പെഗാസസ് വിവാദം ഐടി പാർലമെൻ്ററി സമിതി ചർച്ച ചെയ്യും: ജുഡീഷ്യൽ അന്വേഷണം വേണമെന്ന് ശശി തരൂർ
പെഗാസസ് ഫോൺ ചോർത്തൽ ഐടി - പാർലമെൻ്ററി സമിതി ചർച്ച ചെയ്തേക്കും. ശശി തരൂർ അധ്യക്ഷനായ സമിതിയുടെ 28-ന് ചേരുന്ന യോഗത്തിൽ വിഷയം ചർച്ചക്കെടുക്കാനാണ് സാധ്യത.
തിരുവനന്തപുരം: പെഗാസസ് ഫോൺ ചോർത്തലിൽ ജുഡീഷ്യൽ അന്വേഷണം വേണമെന്ന് ശശി തരൂർ എംപി. ജനങ്ങളുടെ നികുതിപ്പണം എടുത്ത് സ്വന്തം പൗരൻമാ‍ർക്കെതിരെ ചാരപ്പണി നടത്തുന്നത് ഒരു ജനാധിപത്യ രാജ്യത്തിന് ഭൂഷണമായ കാര്യമല്ലെന്നും ഇക്കാര്യത്തിൽ സുതാര്യമായ അന്വേഷണത്തിലൂടെ സത്യാവാസ്ഥ പുറത്തു കൊണ്ടു വരണമെന്നും ഐടി - പാർലമെൻ്ററി സമിതി അധ്യക്ഷനായ ശശി തരൂർ ആവശ്യപ്പെട്ടു.
അതേസമയം പെഗാസസ് ഫോൺ ചോർത്തൽ ഐടി - പാർലമെൻ്ററി സമിതി ചർച്ച ചെയ്തേക്കും. ശശി തരൂർ അധ്യക്ഷനായ സമിതിയുടെ 28-ന് ചേരുന്ന യോഗത്തിൽ വിഷയം ചർച്ചക്കെടുക്കാനാണ് സാധ്യത. 2019-ലും ഐ ടി സ്റ്റാൻഡിംഗ് കമ്മിറ്റി പെഗാസസ് വിഷയം ചർച്ച ചെയ്തിരുന്നു.
വിഷയം ചർച്ചക്കെടുക്കാൻ ബിജെപി അംഗങ്ങൾ വിസമ്മതിച്ചതിനെ തുടർന്ന് വോട്ടെടുപ്പിലൂടെയാണ് വിഷയം പരിഗണനയ്ക്ക് എടുത്തത്.
ഐ ടി സ്റ്റാന്റിങ് കമ്മിറ്റിയിൽ വോട്ടുകൾ തുല്യമായതോടെ ചെയർമാനായ ശശി തരൂർ കാസ്റ്റിങ് വോട്ടിലൂടെ വിഷയം ചർച്ചക്കെടുക്കുകയായിരുന്നു.
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്‌ക് ധരിച്ചും സാമൂഹ്യ അകലം പാലിച്ചും വാക്‌സിന്‍ എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യർത്ഥിക്കുന്നു. ഒന്നിച്ച് നിന്നാല്‍ നമുക്കീ മഹാമാരിയെ തോല്‍പ്പിക്കാനാവും. #BreakTheChain #ANCares #IndiaFightsCorona
