ജോസ് കെ മാണിക്കെതിരെ നിയമനടപടിയുമായി പി ജെ ജോസഫ്
ചെയർമാൻ എന്ന നിലയിലാണ് ജോസ് കെ മാണി സ്റ്റിയറിംഗ് കമ്മിറ്റി യോഗം വിളിച്ചതെന്ന് ഹര്ജിയില് ചൂണ്ടിക്കാണിക്കുന്നു.
തൊടുപുഴ: ജോസ് കെ മാണിക്കെതിരെ നിയമനടപടിയുമായി പി ജെ ജോസഫ്. തൊടുപുഴ കോടതിയിലാണ് ജോസ് കെ മാണിയ്ക്കെതിരെ ഹർജി നൽകിയത്. ജോസ് കോടതി വിധി ലംഘിച്ചെന്ന് കാണിച്ചാണ് ഹർജി.
ചെയർമാൻ എന്ന നിലയിലാണ് ജോസ് കെ മാണി സ്റ്റിയറിംഗ് കമ്മിറ്റി യോഗം വിളിച്ചതെന്ന് ഹര്ജിയില് ചൂണ്ടിക്കാണിക്കുന്നു. ചെയർമാൻ പദവി ഉപയോഗിക്കരുതെന്ന് കോടതി വിധിയുണ്ടെന്ന് ചൂണ്ടിക്കാണിച്ചാണ് ജോസഫ് വിഭാഗം ഹർജി നൽകിയത്.
അതേസമയം, ജോസ് കെ മാണിയെ തിരികെ കൊണ്ടുവരാനുള്ള യുഡിഎഫ് നീക്കത്തിൽ കടുത്ത എതിർപ്പ് അറിയിച്ചിരിക്കുകയാണ് പി ജെ ജോസഫ്. ജോസ് വിഭാഗത്തെ തിരികെയെടുത്താൽ മുന്നണി വിടുമെന്ന് ജോസഫ് കോൺഗ്രസ് നേതാക്കളെ കണ്ട് മുന്നറിയിപ്പ് നൽകി. മുന്നണികള് തങ്ങളെ ക്ഷണിക്കുന്നതിൽ ജോസഫിന് ഹാലിളകിയെന്ന് ജോസ് പക്ഷം തിരിച്ചടിച്ചു.