പ്രവാസികളുടെ മടക്കത്തിന്റെ കാര്യത്തിലും സ്കൂള് കുട്ടികള്ക്ക് ഓണ്ലൈന് ക്ലാസ് ഒരുക്കുന്ന കാര്യത്തിലും സര്ക്കാരിന്റെ മുന്നൊരുക്കങ്ങള് പാളിയെന്നും...
തിരുവനന്തപുരം: വിശ്വാസികളുടെ വികാരം കണക്കിലെടുത്ത് കൊവിഡ് 19 നിബന്ധനകള്ക്ക് വിധേയമായി ആരാധനാലയങ്ങള് തുറക്കണമെന്ന് മുന് മുഖ്യമന്ത്രി ഉമ്മന് ചാണ്ടി. മടങ്ങിവരാന് ആഗ്രഹിക്കുന്ന മുഴുവന് പ്രവാസികളെയും സമയബന്ധിതമായി തിരികെ കൊണ്ടുവരാന് നടപടി സ്വീകരിക്കണമെന്നും ഓണ്ലൈന് പഠനത്തിനുള്ള അടിസ്ഥാനസൗകര്യം എല്ലാ വിദ്യാര്ത്ഥികള്ക്കും ഉറപ്പുവരുത്തിയിട്ടേ ഇനി ക്ലാസ് തുടങ്ങാവൂ എന്നും ഉമ്മന് ചാണ്ടി നിര്ദേശിച്ചു.
പ്രവാസികളുടെ മടക്കത്തിന്റെ കാര്യത്തിലും സ്കൂള് കുട്ടികള്ക്ക് ഓണ്ലൈന് ക്ലാസ് ഒരുക്കുന്ന കാര്യത്തിലും സര്ക്കാരിന്റെ മുന്നൊരുക്കങ്ങള് പാളി. ഇത് ഗള്ഫില് 160ലധികം മലയാളികളുടെയും ദേവിക എന്ന 14കാരിയായ ദളിത് വിദ്യാര്ത്ഥിനിയുടെയും ജീവനെടുത്തു. മദ്യം വിതരണം ചെയ്യാന് കാട്ടിയ ജാഗ്രതയും ഉത്സാഹവും ഇക്കാര്യങ്ങളിലും ഉണ്ടാകണമെന്നും ഉമ്മന് ചാണ്ടി അഭ്യര്ത്ഥിച്ചു.
