Asianet News MalayalamAsianet News Malayalam

അഭയകേന്ദ്രത്തിൽ നിന്ന് കാണാതായ പോക്സോ കേസ് ഇരകളായ പെൺകുട്ടികളെ തിരുവനന്തപുരത്ത് കണ്ടെത്തി

അഭയകേന്ദ്രത്തിലേക്ക് വെള്ളം നിറയ്ക്കാനായി അതിരാവിലെ പുറത്ത് പോയപ്പോഴാണ് കുട്ടികളെ കാണാതായതെന്നായിരുന്നു അധികൃതർ പൊലീസിനെ അറിയിച്ചിരുന്നത്

POCSO case victims gone missing from shelter home in Thiruvalla found at Trivandrum Central Railway Station
Author
Thiruvananthapuram, First Published Feb 25, 2021, 12:29 PM IST

പത്തനംതിട്ട: തിരുവല്ലയിലെ അഭയകേന്ദ്രത്തിൽ നിന്ന് കാണാതായ പോക്സോ കേസ് ഇരകളായ പെൺകുട്ടികളെ തിരുവനന്തപുരത്ത് കണ്ടെത്തി. തിരുവനന്തപുരം സെൻട്രൽ റെയിൽവെ സ്റ്റേഷനിൽ നിന്നാണ് കുട്ടികളെ കണ്ടെത്തിയത്. ഇരുവരും ഇപ്പോൾ റെയിൽവെ പൊലീസിന്റെ കസ്റ്റഡിയിലാണ്.

ഇന്ന് പുലർച്ചെയാണ് തിരുവല്ലയിൽ സ്വകാര്യ സന്നദ്ധ സംഘടന നടത്തുന്ന അഭയകേന്ദ്രത്തിൽ നിന്ന് കുട്ടികളെ കാണാതായത്. ഇവിടെ നാല് പെൺകുട്ടികളെയാണ് താമസിപ്പിച്ചിരുന്നത്. അഭയകേന്ദ്രത്തിലേക്ക് വെള്ളം നിറയ്ക്കാനായി അതിരാവിലെ പുറത്ത് പോയപ്പോഴാണ് കുട്ടികളെ കാണാതായതെന്നായിരുന്നു അധികൃതർ പൊലീസിനെ അറിയിച്ചിരുന്നത്. 15 ഉം 16 ഉം വയസ് പ്രായമുള്ള കുട്ടികളാണ് അഭയകേന്ദ്രത്തിൽ നിന്ന് പുറത്ത് പോയത്. പൊലീസ് നടത്തിയ തെരച്ചിലിൽ മണിക്കൂറുകൾക്കകം തന്നെ കുട്ടികളെ കണ്ടെത്താനായി.

Follow Us:
Download App:
  • android
  • ios