കൊടകരയിൽ കുഴൽപണം കവർന്ന സംഭവം: പണത്തിന്റെ സ്രോതസ് വെളിപ്പെടുത്താൻ പരാതിക്കാരന് നിർദ്ദേശം
സ്വയം അന്വേഷണം നടത്തി പരാജയപ്പെട്ടപ്പോഴാണ് പോലീസിനെ സമീപിച്ചതെന്നാണ് നിഗമനം. 25 ലക്ഷത്തിൽ കൂടുതൽ പണം ഉണ്ടായിരുന്നുവെന്നും പൊലീസ് സംശയിക്കുന്നു
കൊച്ചി: കൊടകരയിൽ കുഴൽപണം കവർന്ന സംഭവത്തിലെ പരാതിക്കാരനോട് പണത്തിന്റെ സ്രോതസ് വെളിപ്പെടുത്താൻ പൊലീസ് നിർദ്ദേശിച്ചു. കൊടകര പൊലീസാണ് നിർദ്ദേശം നൽകിയത്. കവർച്ച നടന്ന് മൂന്ന് ദിവസങ്ങൾക്ക് ശേഷമാണ് പരാതി നൽകിയത്. ഇതിൽ കൂടുതൽ വ്യക്തത വേണമെന്നാണ് പൊലീസ് നിലപാട്. സ്വയം അന്വേഷണം നടത്തി പരാജയപ്പെട്ടപ്പോഴാണ് പോലീസിനെ സമീപിച്ചതെന്നാണ് നിഗമനം. 25 ലക്ഷത്തിൽ കൂടുതൽ പണം ഉണ്ടായിരുന്നുവെന്നും പൊലീസ് സംശയിക്കുന്നു. കവർച്ചാ സംഘത്തിൽ ഏഴ് പേരുണ്ടെന്നാണ് നിഗമനം. ഇവരെ കണ്ടെത്താനായാണ് അന്വേഷണം.
Last Updated Apr 24, 2021, 8:45 PM IST
