പ്രതിക്കായി കേരള-തമിഴ്നാട് പൊലീസ് സംയുക്തമായി തിരച്ചിൽ തുടങ്ങി
തിരുവനന്തപുരം: തിരുവനന്തപുരം കളിയിക്കാവിളയില് കൊലക്കേസ് പ്രതിയുടെ വെടിയേറ്റ് പൊലീസുകാരൻ മരിച്ചു. തമിഴ്നാട് പൊലീസുകാരനായ വിൻസന്റാണ് മരിച്ചത്. കൊലക്കേസ് പ്രതിയായ രാജ് കുമാരാണ് വെടിവച്ചതെന്ന് പൊലീസ് വ്യക്തമാക്കി. ബൈക്കിലെത്തിയ ഇയാള് 10.30 യോടെ ചെക്ക് പോസ്റ്റിലുണ്ടായിരുന്ന പൊലീസുകാരനെ വെടിവയ്ക്കുകയായിരുന്നു. നാലു പ്രാവശ്യം വെടിവെച്ചുവെന്നും ഇയാള്ക്കൊപ്പം ബൈക്കില് മറ്റൊരാള് കൂടിയുണ്ടായിരുന്നുവെന്നും സ്ഥിരീകരിക്കാത്ത വിവരമുണ്ട്. പ്രതിക്കായി കേരള-തമിഴ്നാട് പൊലീസ് സംയുക്തമായി തിരച്ചിൽ തുടങ്ങി. കൂടുതല് വിവരങ്ങള് ലഭ്യമായിട്ടില്ല.
Add Asianetnews as a Preferred Source
