പൊന്ന്യം പുഴ കരകവിഞ്ഞതോടെ ന്യൂമാഹി, തലശ്ശേരി താലൂക്കിലെ കോടിയേരി, പാനൂർ, കതിരൂർ, പെരിങ്ങത്തൂർ എന്നീ വില്ലേജുകളിലും വെള്ളം കയറി തുടങ്ങിയിട്ടുണ്ട്.
തലശ്ശേരി: കനത്ത മഴയെത്തുടർന്ന് കണ്ണൂർ തലശ്ശേരി പൊന്ന്യം പുഴ കരകവിഞ്ഞൊഴുകി. സമീപത്തെ താഴ്ന്ന പ്രദേശങ്ങളിൽ വെള്ളം കയറി തുടങ്ങിയതോടെ ആശങ്കയിലായിരിക്കുകയാണ് ഇവിടുത്തെ ജനങ്ങൾ. പൊന്ന്യം പുഴ കരകവിഞ്ഞതോടെ ന്യൂമാഹി, തലശ്ശേരി താലൂക്കിലെ കോടിയേരി, പാനൂർ, കതിരൂർ, പെരിങ്ങത്തൂർ എന്നീ വില്ലേജുകളിലും വെള്ളം കയറി തുടങ്ങിയിട്ടുണ്ട്.
ഏഷ്യാനെറ്റ് ന്യൂസ് പ്രധാന വാർത്താ സ്രോതസായി തെരഞ്ഞെടുക്കുക
മഴ ശക്തമായതോടെ മയ്യഴി പുഴയും കരകവിഞ്ഞൊഴുകുകയാണ്. മാഹി നഗരത്തിലും പരിസരങ്ങളിലും വെള്ളം കയറിത്തുടങ്ങിയിട്ടുണ്ട്. മാഹി റെയിൽവേ സ്റ്റേഷൻ റോഡിൽ വെള്ളക്കെട്ട് രൂക്ഷമാകുകയാണ്. കനത്ത മഴയിൽ പുന്നോൽ മാതൃക ബസ് സ്റ്റോപ്പിന് സമീപം ആറംഗ കുടുംബം കുടുങ്ങിയതായി റിപ്പോർട്ടുണ്ട്. ഇവരെ പുറത്തെത്തിക്കുന്നതിനുള്ള രക്ഷാപ്രവർത്തനങ്ങൾ പുരോഗമിക്കുകയാണെന്ന് താലൂക്ക് അധികൃതർ അറിയിച്ചു.
