തൻ്റേടിയും അഭിമാനിയും സുന്ദരിയുമായ സ്ത്രീ -അവർ ഇടതു പക്ഷം കൂടിയായായാൽ കടുത്ത കുറ്റക്കാരിയാണെന്ന് അവർ ഫേസ്ബുക്കിൽ കുറിച്ചു.
തിരുവനന്തപുരം: കായംകുളം എൽഡിഎഫ് സ്ഥാനാർഥി യു. പ്രതിഭക്കെതിരെയുള്ള ലീഗ് നേതാവിന്റെ അധിക്ഷേപ പരാമർശത്തിൽ പ്രതികരണവുമായി എഴുത്തുകാരി ശാരദക്കുട്ടി. തൻ്റേടിയും അഭിമാനിയും സുന്ദരിയുമായ സ്ത്രീ -അവർ ഇടതു പക്ഷം കൂടിയായായാൽ കടുത്ത കുറ്റക്കാരിയാണെന്ന് അവർ ഫേസ്ബുക്കിൽ കുറിച്ചു.
ശാരദക്കുട്ടിയുടെ ഫേസ്ബുക്ക് കുറിപ്പ്
സ്ത്രീയാകുക കുറ്റകരമാണ്. തൻ്റേടിയും അഭിമാനിയുമായ സ്ത്രീയാവുക അതിലും കുറ്റകരമാണ്. തൻ്റേടിയും അഭിമാനിയും ആയ സ്ത്രീ സുന്ദരി കൂടിയായാൽ അവർ അതിലേറെ വലിയ കുറ്റക്കാരിയാണ്. തൻ്റേടിയും അഭിമാനിയും സുന്ദരിയുമായ സ്ത്രീ -അവർ ഇടതു പക്ഷം കൂടിയായായാൽ പിന്നെ തകർത്തു കളയുക തന്നെ വേണം. എന്ത് ആഭാസവും പറയാൻ ഇത്രയുമൊക്കെ ധാരാളമാണ്. യു. പ്രതിഭക്കെതിരെയുള്ളത് വെറും അധിക്ഷേപമല്ല, മറിച്ച് ആണഹങ്കാരത്തിൻ്റെയും രാഷ്ട്രീയവൈരത്തിൻ്റെയും തോൽവിഭയത്തിൻ്റെയും പുളിച്ചു തേട്ടലാണ്. മണ്ഡലത്തിലെ വോട്ടർമാർ അതങ്ങു ചുമ്മാ സമ്മതിച്ചു തരില്ല. with യു പ്രതിഭ
