കാസര്‍കോട്: മഞ്ചേശ്വരം തലപ്പാടിയിൽ ദേശീയ പാതയില്‍ ടാങ്കർ ലോറി മറിഞ്ഞ് ഗ്യാസ് ചോരുന്നു. അപകടത്തെ തുടര്‍ന്ന് ദേശീയ പാതയിൽ ഗതാഗതം നിർത്തി വച്ചിരിക്കുകയാണ്. ടാങ്കറിന്  ചോര്‍ച്ചയുണ്ടായതോടെ സമീപപ്രദേശത്തെ വൈദ്യുതബന്ധം വിച്ഛേദിക്കുകയും സ്ഥലത്തുനിന്നും ആളുകളെ ഒഴിപ്പിക്കുകയും ചെയ്തു.

മംഗളൂരു - കാസര്‍കോട് ദേശീയപാത അടച്ച് വാഹനഗതാഗതം പൂര്‍ണമായും തടഞ്ഞിട്ടുണ്ട്. നിർത്തി ഇട്ട ലോറിയിലാണ് ചോർച്ചയുണ്ടായതെന്ന് പൊലീസ് പറഞ്ഞു.