നാട്ടുകാരുടെ മീൻ പിടിച്ചെടുത്ത് വിൽപ്പന നടത്തി, ബാക്കി വീട്ടിൽ കൊണ്ടുപോയി, പൊലീസുകാർക്ക് സ്ഥലംമാറ്റം
ആറ്റിങ്ങൽ ഡിവൈഎസ്പി വി. എസ് ദിനരാജിനായിരുന്നു കേസിൽ അന്വേഷണ ചുമതല. ഇതിൽ ഉൾപ്പെട്ട പ്രധാന എസ്ഐയെ രാഷ്ട്രീയ സമ്മർദ്ദത്തിൽ ഒഴിവാക്കിയെന്നും ആരോപണമുണ്ട്
തിരുവനന്തപുരം: നാട്ടുകാർ പിടിച്ച മീൻ പിടിച്ചെടുത്ത് വിൽക്കുകയും ബാക്കി വീട്ടിൽ കൊണ്ടുപോവുകയും ചെയ്ത പൊലീസുകാർക്ക് സ്ഥലംമാറ്റം. തിരുവനന്തപുരം മംഗലപുരം പൊലീസ് സ്റ്റേഷനിലെ മൂന്ന് എഎസ്ഐമാരെയാണ് സ്ഥലംമാറ്റിയത്. നെയ്യാറ്റിൻകര പുളിങ്കുടിയിലെ എആർ ക്യാംപിലേക്കാണ് ഇവരെ മാറ്റിയത്. സംഭവം വാർത്തയായതിന് പിന്നാലെയാണ് റൂറൽ എസ്പി നടപടിയെടുത്തത്. ആറ്റിങ്ങൽ ഡിവൈഎസ്പി വി. എസ് ദിനരാജിനായിരുന്നു കേസിൽ അന്വേഷണ ചുമതല. ഇതിൽ ഉൾപ്പെട്ട പ്രധാന എസ്ഐയെ രാഷ്ട്രീയ സമ്മർദ്ദത്തിൽ ഒഴിവാക്കിയെന്നും ആരോപണമുണ്ട്.