Asianet News MalayalamAsianet News Malayalam

ടിഎൻജി പുരസ്കാരപ്രഖ്യാപനം അൽപസമയത്തിനകം, പൊതുവിദ്യാഭ്യാസ രംഗത്തെ മികവിന് അംഗീകാരം

അൽപസമയത്തിനകം ഏഷ്യാനെറ്റ് ന്യൂസിന്‍റെ 'വാർത്താവേളയിൽ' ഏഷ്യാനെറ്റ് ന്യൂസ് എഡിറ്റർ എംജി രാധാകൃഷ്ണൻ പുരസ്കാരപ്രഖ്യാപനം നടത്തും. പൊതുവിദ്യാഭ്യാസ രംഗത്തെ മികവിനായി പ്രവർത്തിച്ചവർക്കാണ് ഇത്തവണ പുരസ്കാരം.

tn gopakumar award for excellence in public education sector of kerala
Author
Thiruvananthapuram, First Published Jan 23, 2020, 9:34 AM IST
  • Facebook
  • Twitter
  • Whatsapp

തിരുവനന്തപുരം: ഏഷ്യാനെറ്റ് ന്യൂസിന്‍റെ എഡിറ്റർ ഇൻ ചീഫായിരുന്ന ടി എൻ ഗോപകുമാറിന്‍റെ സ്മരണയ്ക്കായി ഏർപ്പെടുത്തിയ പുരസ്കാരം ഇന്ന് പ്രഖ്യാപിക്കും. രാവിലെ 10.30 മണിക്ക് വാർത്താ വേളയിൽ എഡിറ്റർ എം ജി രാധാകൃഷ്ണനാണ് പുരസ്കാരം പ്രഖ്യാപിക്കുന്നത്. ഇത്തവണ പൊതുവിദ്യാഭ്യാസ മേഖലയിലെ അടിസ്ഥാന സൗകര്യം മെച്ചപ്പെടുത്താൻ പ്രയത്നിച്ചവർക്കാണ് പുരസ്കാരം.

രണ്ട് ലക്ഷം രൂപയും കാനായി കുഞ്ഞിരാമൻ രൂപകല്പന ചെയ്ത ശില്പവുമാണ് സമ്മാനം. ടി എൻ ഗോപകുമാറിന്‍റെ ചരമ വാർഷിക ദിനമായ ഈ മാസം 30-നാണ് സമ്മാനദാനം നടക്കുക. നാലാമത് ടിഎൻജി പുരസ്കാരമാണ് ഇന്ന് പ്രഖ്യാപിക്കുന്നത്.

സാമൂഹിക സേവന രംഗത്ത് വ്യക്തിമുദ്ര പതിപ്പിക്കുന്ന വ്യക്തികൾക്കോ സംഘടനകൾക്കോ ഏഷ്യാനെറ്റ് ന്യൂസ് ടിഎൻജിയുടെ സ്മരണാർത്ഥം നൽകുന്നതാണ് ടിഎൻജി പുരസ്കാരം.

സമൂഹമനസ്സിനെ തൊട്ട വാർത്തകളിലൂടെ കേരളത്തിൽ തലയെടുപ്പോടെ നിന്ന മാധ്യമപ്രവർത്തകനായിരുന്നു ടി എൻ ഗോപകുമാര്‍. വാർത്തകൾക്കൊപ്പം നടക്കാൻ ടിഎൻജി ഇല്ലാതായിട്ട് നാല് വർഷം കഴിയുന്നു. സാന്ത്വന ചികിത്സാരംഗത്ത് വ്യക്തിമുദ്ര പതിപ്പിച്ച ഡോ. എം ആർ രാജഗോപാൽ, സ്വന്തം വയ്യായ്കകള്‍ മറന്ന് തന്നേക്കാൾ ദൈന്യത അനുഭവിക്കുന്നവരെ സഹായിക്കാൻ കാസർകോട് ന്യൂ മലബാർ പുനരധിവാസ കേന്ദ്രം നടത്തുന്ന എം എം ചാക്കോ, നിപ്പ ബാധിതരെ ശുശ്രൂഷിച്ച് വൈറസ് ബാധയേറ്റ് മരണത്തിന് കീഴടങ്ങിയ നഴ്സ് ലിനി എന്നിവർക്കായിരുന്നു കഴിഞ്ഞ വർഷങ്ങളിൽ അവാർഡ്. 

പുരസ്കാരപ്രഖ്യാപനം പത്ത് മണിക്ക് തത്സമയം കാണാം:

Follow Us:
Download App:
  • android
  • ios