സംസ്ഥാനത്ത് വ്യാപക മഴയ്ക്ക് സാധ്യത, 11 ജില്ലകളിൽ യെല്ലോ അലർട്ട്
അറബിക്കടലിൽ കാലവർഷക്കാറ്റ് ശക്തമായതാണ് മഴ ശക്തമാകാൻ വഴിയൊരുക്കിയത്
തിരുവനന്തപുരം: സംസ്ഥാനത്ത് അടുത്ത മൂന്ന് ദിവസം വ്യാപക മഴയ്ക്ക് സാധ്യത. 11 ജില്ലകളിൽ യെല്ലോ അലർട്ട് പ്രഖ്യാപിച്ചു. കോട്ടയം, ആലപ്പുഴ, ഇടുക്കി, എറണാകുളം, തൃശ്ശൂർ, പാലക്കാട്, മലപ്പുറം, കോഴിക്കോട്, കണ്ണൂർ, വയനാട്, കാസർകോട് ജില്ലകളിലാണ് യെല്ലോ അലർട്ട്. അടുത്ത മൂന്ന് ദിവസത്തേക്കാണ് യെല്ലോ അലർട്ട് പ്രഖ്യാപിച്ചിട്ടുള്ളത്. അതേസമയം തിരുവനന്തപുരം, കൊല്ലം, പത്തനംതിട്ട ജില്ലകളിൽ മഴ മുന്നറിയിപ്പില്ല. അറബിക്കടലിൽ കാലവർഷക്കാറ്റ് ശക്തമായതാണ് മഴ ശക്തമാകാൻ സാഹചര്യം ഒരുക്കിയിട്ടുള്ളത്. മത്സ്യത്തൊഴിലാളികൾ നാളെ മുതൽ കടലിൽ പോകരുത്.
Last Updated Jun 28, 2022, 2:08 PM IST
