യൂത്ത് കോൺഗ്രസ് ക്ലിഫ് ഹൗസിലേക്ക് നടത്തിയ പ്രതിഷേധത്തിൽ സംഘർഷം.
തിരുവനന്തപുരം: ഷാഫി പറമ്പിലിനെ ഡിവൈഎഫ്ഐ പ്രവർത്തകർ വഴിയിൽ തടഞ്ഞ സംഭവത്തിൽ പ്രതിഷേധിച്ച് യൂത്ത് കോൺഗ്രസ് ക്ലിഫ് ഹൗസിലേക്ക് നടത്തിയ പ്രതിഷേധത്തിൽ സംഘർഷം. ജലപീരങ്കി പ്രയോഗിച്ചിട്ടും പിരിഞ്ഞുപോകാതെ പ്രവർത്തകർ നിലകൊണ്ടു. പൊലീസിന് നേരെ തീപ്പന്തമെറിഞ്ഞു. യൂത്ത് കോൺഗ്രസ് പ്രവർത്തകർക്ക് നേരെ പൊലീസ് ലാത്തിചാർജ് നടത്തി.
വടകരയില് ഷാഫി പറമ്പിലിനെ ഡിവൈഎഫ്ഐ പ്രവര്ത്തകര് തടഞ്ഞതിനെതിരെ യുഡിഎഫ് പ്രവര്ത്തകര് വടകരയില് നടത്തിയ പ്രതിഷേധത്തിലും സംഘര്ഷമുണ്ടായി. യൂത്ത് കോണ്ഗ്രസ് സംസ്ഥാന ജനറല് സെക്രട്ടറി വിപി ദുല്ഖിഫിലിന് മര്ദനമേറ്റു. സമരസ്ഥലത്തേക്ക് വരുന്നതിനിടെ കാറില് നിന്നും ഇറക്കി പൊലീസ് ഒത്താശയോടെ ഡിവൈഎഫ്ഐ പ്രവര്ത്തകര് മര്ദിച്ചു എന്നാണ് ദുല്ഖിഫിലിന്ഫെ പരാതി.
കുറ്റക്കാര്ക്കെതിരെ നടപടി ആവശ്യപ്പെട്ട് വടകര എംഎല്എ കെകെ രമയും യുഡിഎഫ് പ്രവര്ത്തകരും സ്റ്റേഷനിലേക്ക് നടത്തിയ മാര്ച്ചില് ഉന്തും തള്ളുമുണ്ടായി. കെകെ രമ സ്റ്റേഷനില് കുത്തിയിരുന്ന് പ്രതിഷേധിച്ചു. സിസി ടിവി ദൃശ്യങ്ങള് ഉള്പ്പെടെ പരിശോധിച്ച് കുറ്റക്കാര്ക്കെതിരെ നടപടിയെടുക്കുമെന്ന റൂറല് എസ്പിയുടെ ഉറപ്പിനെത്തുടര്ന്നാണ് സമരം അവസാനിച്ചത്.
