എപ്പോഴും അസുഖങ്ങളാണോ? നിങ്ങളില് ഒളിച്ചിരിക്കുന്ന വില്ലന് ഇവനാകാം...
എപ്പോഴും ചുമ, തലവേദന, അലര്ജി, വയറിന് അസ്വസ്ഥത, ക്ഷീണം എന്നൊക്കെ ആവലാതികള് പറയുന്നവര് ആദ്യമറിയേണ്ടത് എന്താണ്? എന്താണ് നമ്മുടെ അസുഖം?
എപ്പോഴും അസുഖങ്ങള് തന്നെയെന്ന് പരാതിപ്പെടുന്നവരെ കണ്ടിട്ടില്ലേ. ഇത് ചെറിയ കാര്യമല്ല. ശ്രദ്ധിച്ചില്ലെങ്കില് ജീവന് തന്നെ നഷ്ടപ്പെട്ടുപോകാവുന്ന സാധ്യതകളാണ് ഈ ലക്ഷണങ്ങള് തുറന്നുവയ്ക്കുന്നത്.
എപ്പോഴും ചുമ, തലവേദന, അലര്ജി, വയറിന് അസ്വസ്ഥത, ക്ഷീണം എന്നൊക്കെ ആവലാതികള് പറയുന്നവര് ആദ്യമറിയേണ്ടത് സ്വന്തം രോഗപ്രതിരോധ ശേഷിയെ കുറിച്ചാണ്. ജന്മനാ കിട്ടുന്നതിന് പുറമെ ചുറ്റുപാടുകളില് നിന്ന് ആര്ജ്ജിച്ചെടുക്കുന്ന ഒരു കഴിവ് കൂടിയാണ് രോഗപ്രതിരോധ ശേഷി.
എന്നാല് ഈ ശേഷി കുറഞ്ഞുവരുമ്പോഴാണ് ഓരോ രോഗങ്ങളായി നമ്മളെ വലയിലാക്കുന്നത്. ഒരുപക്ഷേ എപ്പോഴും അസുഖങ്ങളുണ്ടാകുന്നതും രോഗപ്രതിരോധ ശേഷി നഷ്ടപ്പെടുന്നുവെന്നതിന്റെ സൂചനയാകാം.
ലക്ഷണങ്ങള്...
-ഇടവിട്ട് വരുന്ന ന്യുമോണിയ, ബ്രോങ്കൈറ്റിസ്, സൈനസ് അണുബാധ, ചെവിയിലെ അണുബാധ, മെനിഞ്ചൈറ്റിസ്, തൊലിപ്പുറത്തെ അണുബാധ.
-ആന്തരീകാവയവങ്ങളെ ബാധിക്കുന്ന അണുബാധ.
-രക്താണുക്കളുടെ എണ്ണത്തില് വരുന്ന മാറ്റം. പ്ലേറ്റ്ലെറ്റുകളുടെ എണ്ണം കുറഞ്ഞ് വിളര്ച്ച പോലുള്ള അവസ്ഥകളുണ്ടാകുന്നത്.
-ദഹനസംബന്ധമായ പ്രശ്നങ്ങള്, വയറുവേദന, വിശപ്പില്ലായ്മ, ക്ഷീണം, വയറിളക്കം.
-വളര്ച്ച മുരടിക്കുന്ന അവസ്ഥ.
-വാതം, പ്രമേഹം - തുടങ്ങിയ രേഗങ്ങള്
രോഗപ്രതിരോധ ശേഷി കൂട്ടാന്...
-പുകവലി നിര്ത്തുക.
-എന്നും വ്യായാമം ചെയ്യുക. അതല്ലെങ്കില് ശരീരം അനങ്ങിയുള്ള ജോലികളെന്തെങ്കിലും ചെയ്യുക.
-ശരീരഭാരം നിയന്ത്രണത്തില് നിര്ത്തുക.
-അമിതമായ മദ്യപാനം ഒഴിവാക്കുക.
-ആറ് മുതല് എട്ട് മണിക്കൂര് വരെ തുടര്ച്ചയായ ഉറക്കം ഉറപ്പുവരുത്തുക.
-കൈകള് എപ്പോഴും വൃത്തിയായി സൂക്ഷിക്കുക. ഭക്ഷണം പാകം ചെയ്യുന്നതിന് മുമ്പും ടോയ്ലറ്റില് പോയി വന്ന ശേഷവുമെല്ലാം നന്നായി കൈ കഴുകുക.
-മനസ്സിന് സമ്മര്ദ്ദങ്ങളേകുന്ന വിഷയങ്ങളില് നിന്ന് മാറിനില്ക്കുക.