ബ്ലൂ വെയില് എന്ന കൊലയാളി ഗെയിമിനെക്കുറിച്ചാണ് ഇപ്പോള് ചര്ച്ചകളേറെയും. ഇപ്പോഴിതാ, കേരളത്തിലും ഒരു കൗമാരക്കാരന് ആത്മഹത്യ ചെയ്തത് ബ്ലൂവെയില് ഗെയിമിന് അടിപ്പെട്ടാണെന്ന വിവരം പുറത്തുവന്നിരിക്കുന്നു. ഈ സാഹചര്യത്തില് വായനക്കാര്ക്ക് ബ്ലൂവെയിലിനെക്കുറിച്ചുള്ള സംശയത്തിന് തിരുവനന്തപുരം മെഡിക്കല് കോളേജിലെ മനശാസ്ത്രവിഭാഗം മറുപടി നല്കുന്നു...
ചോദ്യം- കുട്ടികള് എങ്ങനെ ബ്ലൂ വെയിലില് അടിമയാകുന്നു?
ഈ ഗെയിമില് 50 ദിവസങ്ങള് കൊണ്ട് ചെയ്ത് തീര്ക്കുന്ന 50 സ്റ്റേജുകളാണുള്ളത്. ആദ്യ ദിവസങ്ങളില് അതിരാവിലെ 4.30 ന് എഴുന്നേല്ക്കാനും പിന്നീട് പ്രേത സിനിമകള് കാണാന് ആവശ്യപ്പെടും. തുടര്ന്ന് പാരപ്പറ്റിലൂടെ നടക്കുക തുടങ്ങിയ റിസ്കുള്ള പ്രവര്ത്തികള് ചെയ്യാന് ആവശ്യപ്പെടുന്നു. ഓരോ ഘട്ടത്തിലും ചെയ്യുന്നതിനെപ്പറ്റിയുള്ള തെളിവുകളും സമര്പ്പിക്കണം. കയ്യിലും രഹസ്യ ഭാഗങ്ങളിലും മുറുവേല്പ്പിക്കുന്നതിന്റെ ചിത്രങ്ങളും പോസ്റ്റ് ചെയ്യണം. എങ്കില് മാത്രമേ അടുത്ത സ്റ്റേജിലേക്ക് പ്രവേശനം ലഭിക്കൂ. ചാറ്റിനിടെ സീക്രട്ട് മിഷന്, സീക്രട്ട് ചാറ്റിങ് തുടങ്ങിയ ടാസ്കുകളുമുണ്ട്. തങ്ങളുടെ ഇരകളെ മരണത്തിലേക്കു നയിക്കുന്നത് ഈ രഹസ്യ കൂടിക്കാഴ്ചകളിലാണ്.
