വിശ്വസുന്ദരിമാർ കണ്ടുമുട്ടിയപ്പോൾ; വീഡിയോ വൈറൽ
ലോകസുന്ദരിപ്പട്ടം ചൂടിയ മാനുഷി ചില്ലർ മുൻ മിസ് യൂനിവേഴ്സ് സുസ്മിത സെന്നിനെ വിമാനയാത്രക്കിടെ കണ്ടുമുട്ടിയ വീഡിയോ വൈറൽ. 1994ൽ മിസ്യൂനിവേഴ്സ് പട്ടം ചൂടിയ സുസ്മിത മാനുഷിയുടെ നേട്ടത്തിൽ അഭിനന്ദനമറിയിച്ച് ട്വിറ്ററിൽ കുറിക്കുകയും ചെയ്തിരുന്നു. രണ്ട് വിശ്വസുന്ദരിമാരുടെ കൂടിക്കാഴ്ചയുടെ വീഡിയോ ഇരുവരുടെയും ആരാധകർക്കും സുഹൃത്തുക്കൾക്കും ആവേശമായി മാറി.
എന്റെ ജന്മദിനം മാനുഷി എന്നെന്നും ഒാർക്കുന്നതാക്കി മാറ്റിയെന്നാണ് സുസ്മിത കുറിച്ചത്. നീ ജനിച്ചത് മഹത്വത്തിന് വേണ്ടിയാണ്. 2017 ലെ ലോക സുന്ദരിപ്പട്ടം നീ പിടിച്ചെടുത്തിരിക്കുന്നു. നിന്റെ പുഞ്ചിരി ഞാൻ ഒാർക്കുന്നു. അത് എന്റേത് കൂടിയാണ്. ലോകത്തിന് പ്രചോദനമാകുന്ന നിന്റെ പ്രയാണത്തിൽ അതിയായ സന്തോഷം എന്നും സുസ്മിത ട്വിറ്ററിൽ പങ്കുവെച്ചു. സുസ്മിതയുടെ ആരാധകരുടെ പേജിലും യൂട്യൂബിലുമായി വീഡിയോ വൈറലായി.
67-ാമത് എഡിഷന് ലോകസുന്ദരിപ്പട്ടമാണ് മെഡിക്കല് വിദ്യാര്ഥിനിയായ ഹരിയാനക്കാരി മാനുഷി ചില്ലര് നേടിയത്. ആറാം തവണയാണ് ലോകസുന്ദരിപ്പട്ടം ഇന്ത്യ സ്വന്തമാക്കുന്നത്.
1994ൽ മിസ് യൂണിവേഴ്സായിരുന്നു സുസ്മിത സെന്. സുസ്മിത സെൻ മോഡലിംഗ്,സിനിമ രംഗങ്ങളിലും ജീവകാരുണ്യമേഖലയിലും ചുവടുറപ്പിച്ചു.