വീട്ടുമുറ്റത്ത് കളിച്ചുകൊണ്ടിരുന്ന ആറുവയസ്സുകാരന് സൂര്യതാപമേറ്റു
കുഞ്ഞിന്റെ മുഖത്താണ് പൊള്ളലേറ്റത്. ഇടത് കണ്ണിന്റെ മുകൾഭാഗത്തും താഴ്ഭാഗത്തും വരപോലെ നീളത്തിൽ പൊള്ളലേറ്റതിന്‍റെ പാടുകളുണ്ട്.
ഹരിപ്പാട്: വീട്ടുമുറ്റത്ത് കളിച്ചു കൊണ്ടിരുന്ന ആറുവയസ്സുകാരന് സൂര്യതാപമേറ്റു. കാർത്തികപ്പള്ളി ഹുസൈൻ മൗലവിയുടെ മകൻ സമൽ റഹ്മാനാണ് സൂര്യതാപമേറ്റത്.
കഴിഞ്ഞ ദിവസം രാവിലെ 11 മണിയോടെയാണ് സംഭവം. ഒറ്റക്ക് വീട്ടുമുറ്റത്തിരുന്ന് കളിക്കുകയായിരുന്നു കുട്ടി. കുട്ടിയുടെ കരച്ചിൽ കേട്ട് മാതാപിതാക്കൾ ഓടി വന്നപ്പോഴാണ് പൊള്ളലേറ്റതായി കണ്ടത്. കുഞ്ഞിന്റെ മുഖത്താണ് പൊള്ളലേറ്റത്. ഇടത് കണ്ണിന്റെ മുകൾഭാഗത്തും താഴ്ഭാഗത്തും വരപോലെ നീളത്തിൽ പൊള്ളലേറ്റതിന്‍റെ പാടുകളുണ്ട്.
കുട്ടിയെ ഉടന്‍ അടുത്തുള്ള ഡാണാപ്പടി സ്വകാര്യ ആശുപത്രിയിൽ കൊണ്ടുപോയി. പരിശോധനയിലാണ് സൂര്യതാപമേറ്റതായി കണ്ടെത്തിയത്. പ്രാഥമിക ചികിത്സ നൽകിയ കുട്ടിയെ പിന്നീട് വിട്ടയച്ചു
Last Updated Apr 26, 2019, 11:40 PM IST
