കേരള പിറവി ദിനത്തില് എസ്കലേറ്റര് കം എലിവേറ്റര് ഫൂട്ട് ഓവര് ബ്രിഡ്ജ് കോഴിക്കോടിന് സ്വന്തം
എസ്കലേറ്റര് കം എലിവേറ്റര് ഫുട് ഓവര് ബ്രിഡ്ജ്, നവീകരിച്ച ഫുട്പാത്ത് എന്നിവ മുഖ്യമന്ത്രി പിണറായി വിജയന് ഞായറാഴ്ച 12 മണിക്ക് ഓണ്ലൈനായി ഉദ്ഘാടനം ചെയ്യും.
കോഴിക്കോട്: സംസ്ഥാനത്തെ ആദ്യ എസ്കലേറ്റര് കം എലിവേറ്റര് ഫൂട്ട് ഓവര് ബ്രിഡ്ജ് കേരള പിറവി ദിനത്തില് കോഴിക്കോടിന് സ്വന്തം. കോഴിക്കോട് കോര്പറേഷന് അമൃത് പദ്ധതിയില് പെടുത്തി മൊഫ്യൂസില് ബസ് സ്റ്റാന്റിന് മുന്നില് നിര്മ്മിച്ച എസ്കലേറ്റര് കം എലിവേറ്റര് ഫുട് ഓവര് ബ്രിഡ്ജ്, നവീകരിച്ച ഫുട്പാത്ത് എന്നിവ മുഖ്യമന്ത്രി പിണറായി വിജയന് ഞായറാഴ്ച 12 മണിക്ക് ഓണ്ലൈനായി ഉദ്ഘാടനം ചെയ്യും. കേന്ദ്ര നഗരകാര്യമന്ത്രി ഹര്ദീപ് സിംഗ് പുരി സന്ദേശം നല്കും. 11.35 കോടി രൂപ ചെലവില് നിര്മ്മിച്ച എസ്കലേറ്റര് കം എലിവേറ്റര് ഫൂട്ട് ഓവര് ബ്രിഡ്ജ് സംസ്ഥാനത്ത് ആദ്യത്തേതാണ്. ചടങ്ങില് മന്ത്രി എ.സി. മൊയ്തീന് അധ്യക്ഷത വഹിക്കും.