കനത്ത മഴയിൽ മലപ്പുറം ജില്ലയിലെ മലയോര മേഖലയിൽ ജലനിരപ്പുയരുന്നു. ചാലിയാറിലും പോഷക നദികളിലും ജലനിരപ്പ് ഉയർന്നു
നിലമ്പൂർ: കനത്ത മഴയിൽ മലപ്പുറം ജില്ലയിലെ മലയോര മേഖലയിൽ ജലനിരപ്പുയരുന്നു. ചാലിയാറിലും പോഷക നദികളിലും ജലനിരപ്പ് ഉയർന്നു. ജാഗ്രതാ മുന്നറിയിപ്പുമായി അഗ്നിശമന സേന രംഗത്തുണ്ട്. മഴ ശക്തമായതോടെ ചാലിയാർ പുഴയിലും പോഷക നദികളായ കുതിരപുഴ, കരിമ്പുഴ, പുന്നപുഴ, കലക്കൻ പുഴ, ചെറുപുഴ, കാരക്കോടൻ പുഴ, കാഞ്ഞിരപുഴ, കുറുവൻ പുഴ, കോട്ടപ്പുഴ എന്നിവിടങ്ങളിലെല്ലാം ആശങ്ക സ്യഷ്ടിച്ച് ജലവിതാനം ഉയരുകയാണ്.
ഏഷ്യാനെറ്റ് ന്യൂസ് പ്രധാന വാർത്താ സ്രോതസായി തെരഞ്ഞെടുക്കുക
നിലമ്പൂർ മേഖലയിലും നീലഗിരി താഴ്വാരങ്ങളിലും മഴ ശക്തമായതോടെയാണ് പുഴകളിലെ ജലനിരപ്പ് ഉയർന്നത്. കഴിഞ്ഞ വർഷം ഉരുൾപൊട്ടലുണ്ടായ വയനാട് പൂത്തുമലയിലും തമിഴ്നാട് ഗൂഡല്ലൂരിലും ദേവാലയിലും കനത്ത മഴ തുടരുന്ന സാഹചര്യത്തിൽ പുഴയോര വാസികൾ ജാഗ്രത പാലിക്കണമെന്ന് അഗ്നിശമന സേന നിലമ്പൂർ സ്റ്റേഷൻ ഓഫീസർ എം അബ്ദുൾ ഗഫൂർ ആവശ്യപ്പെട്ടു.
