മുത്തങ്ങ ചെക്ക്പോസ്റ്റ് വഴി കടത്താൻ ശ്രമിച്ച നിരോധിത പുകയില ഉൽപ്പന്നങ്ങൾ പിടികൂടി
ചില്ലറ വിപണിയിൽ 9 ലക്ഷം രൂപയോളം വിലവരുന്ന ഉൽപ്പന്നങ്ങൾ മൈസൂരിൽ നിന്നും പെരുമ്പാവൂരിലേക്കാണ് കൊണ്ടുപോയിരുന്നതെന്ന് പിടിയിലായ പെരുമ്പാവൂർ മുടിക്കൽ സ്വദേശിയായ മൂക്കാട് വീട്ടിൽ സുബൈർ (37 ) വെളിപ്പെടുത്തി.
കൽപ്പറ്റ: മുത്തങ്ങ എക്സൈസ് ചെക്ക്പോസ്റ്റ് വഴി പിക്അപ്പ് വാഹനത്തിൽ കടത്താൻ ശ്രമിച്ച 18000 പാക്കറ്റ് നിരോധിത പുകയില ഉൽപ്പന്നങ്ങൾ (ഹാൻസ്) പിടികൂടി. പ്ലാസ്റ്റിക് ചാക്കുകളിൽ നിറച്ച് പിക്അപ്പ് വാഹനത്തിലെ പച്ചക്കറി ചാക്കുകൾക്കടിയിൽ ഒളിപ്പിച്ച നിലയിലാണ് നിരോധിത പുകയില ഉൽപ്പന്നങ്ങൾ സൂക്ഷിച്ചിരുന്നത്.
ചില്ലറ വിപണിയിൽ 9 ലക്ഷം രൂപയോളം വിലവരുന്ന ഉൽപ്പന്നങ്ങൾ മൈസൂരിൽ നിന്നും പെരുമ്പാവൂരിലേക്കാണ് കൊണ്ടുപോയിരുന്നതെന്ന് പിടിയിലായ പെരുമ്പാവൂർ മുടിക്കൽ സ്വദേശിയായ മൂക്കാട് വീട്ടിൽ സുബൈർ (37 ) വെളിപ്പെടുത്തി. മുത്തങ്ങ എക്സൈസ് സർക്കിൾ ഇൻസ്പെക്ടർ മജു ടി.എം, പ്രിവന്റീവ് ഓഫീസർ പ്രകാശ്.പി.എ , സിവിൽ എക്സൈസ് ഓഫീസർമാരായ കെ. എം. ലത്തീഫ്, റഷീദ്. കെ എന്നിവരടങ്ങിയ സംഘമാണ് വാഹന പരിശോധന നടത്തിയത്.
