ആലപ്പുഴയില് വഴിത്തര്ക്കം; മരക്കഷ്ണം കൊണ്ട് തലയ്ക്കടി, തമ്മില് തല്ലുന്ന വീഡിയോ പുറത്ത്
തൃക്കുന്നപ്പുഴ പൊലീസ് കേസ് രജിസ്റ്റർ ചെയ്തു. ഞായറാഴ്ച നടന്ന സംഘർഷത്തിന്റെ ദൃശ്യങ്ങൾ നവമാധ്യമങ്ങളിൽ ഇപ്പോൾ ചർച്ചയാണ്.
ആലപ്പുഴ: ആലപ്പുഴ ആറാട്ടുപുഴയിൽ വഴിത്തർക്കത്തെ തുടർന്ന് സംഘർഷം. പെരുമ്പള്ളി മുറിയിൽ കൊച്ചുവീട്ടിൽ രേഖ, മക്കളായ ആതിര, പൂജ എന്നിർവർക്ക് സംഘർഷത്തിൽ പരിക്കേറ്റു. പൊലീസ് എത്തിയാണ് സംഘർഷം അവസാനിപ്പിച്ചത്. തൃക്കുന്നപ്പുഴ പൊലീസ് കേസ് രജിസ്റ്റർ ചെയ്തു. ഞായറാഴ്ച നടന്ന സംഘർഷത്തിന്റെ ദൃശ്യങ്ങൾ നവമാധ്യമങ്ങളിൽ ഇപ്പോൾ ചർച്ചയാണ്.
"
നവ മാധ്യമങ്ങളിൽ പ്രചരിക്കുന്ന ഈ ദൃശ്യങ്ങൾ ആറാട്ടുപുഴയിൽ നിന്നുള്ളതാണ്. കഴിഞ്ഞ ദിവസമാണ്, വഴിയെ തുടർന്നുള്ള തർക്കം സംഘർഷത്തിൽ കലാശിച്ചത്.
ഭിന്നശേഷിക്കാരിയായ രേഖയ്ക്കും കുടുംബത്തിനും പഞ്ചായത്ത് അനുവദിച്ച വഴി അയൽവാസികൾ മതിൽ കെട്ടി അടക്കാൻ ശ്രമിച്ചു. ഇത് ചോദ്യം ചെയ്തതിനെ തുടർന്നാണ് രേഖയ്ക്കും, മക്കളായ ആതിര, പൂജ എന്നിവർക്കും മർദ്ദനമേറ്റത്. പോലീസ് എത്തിയാണ് സംഘർഷം അവസാനിപ്പിച്ചത്.
അഞ്ച് വീട്ടുകാർക്ക് ഒരു വഴി മാത്രമാണുള്ളത്. ഏറെ നാളായി വഴിയെചൊല്ലി തർക്കവും കോടതിയിൽ കേസുമുണ്ടെന്ന് പൊലീസ് പറയുന്നു. സ്ത്രീകൾക്കെതിരായ അതിക്രമം ഉൾപ്പടെ വകുപ്പുകൾ ചുമത്തി അഞ്ച് പേർക്കെതിരെ പൊലീസ് കേസെടുത്തു.