എം.എസ് സുബ്ബലക്ഷ്മിയുടെ ഈ യൗവനകാല ചിത്രം നിങ്ങളെ അമ്പരപ്പിക്കുക തന്നെ ചെയ്യും!
ചെന്നൈ: എം.എസ് സുബ്ബലക്ഷ്മി എന്ന് കേള്‍ക്കുമ്പോള്‍ ആദ്യം മനസ്സില്‍ വരുന്നത് തിളങ്ങുന്ന പട്ടുസാരിയും മൂക്കുത്തിയും നെറ്റിയിലെ വലിയ പൊട്ടുമാണ്. ഭാരതീയ സംഗീതത്തിനു ഉജ്വലമായ സംഭാവനകള്‍ നല്‍കിയ ഈ മഹാഗായികയുടെ വേഷം തികച്ചു ഭാരതീയമായാണ് കണക്കാക്കപ്പെടുന്നതും.
വീട്ടകങ്ങളില്‍ അച്ചടക്കത്തോടെ കഴിഞ്ഞിരുന്ന ഇരു കലാകാരികളും സ്റ്റുഡിയോയില്‍ രഹസ്യമായി എത്തിയാണ് ഈ ചിത്രത്തിന് പോസ് ചെയ്തതെന്ന് ആ പുസ്തകത്തില്‍ പറയുന്നതായി ഒരു ബ്ലോഗര്‍ എഴുതുന്നു.
എന്നാല്‍, ഇതുമാത്രമായിരുന്നില്ല സുബ്ബലക്ഷ്മി. വിഖ്യാത നര്‍ത്തകി ടി. ബാലസരസ്വതിയ്‌ക്കൊപ്പമുള്ള സുബ്ബലക്ഷ്മിയുടെ 1937കളിലെ ഈ ഫോട്ടോ നല്‍കുന്നത് തികച്ചും വ്യത്യസ്തമായ മറ്റൊരു ഇമേജാണ്.
അക്കാലത്ത് നിലനിന്നിരുന്ന സ്ത്രീകളുടെ സ്റ്റീരിയോടൈപ്പ് പ്രതിനിധാനത്തെ തകിടം മറിക്കുന്ന വിധത്തില്‍, പ്രകോപനപരമായി ഫോട്ടോയ്ക്ക് പോസ് ചെയ്യുകയായിരുന്നു ഈ കലാകാരി. ഈ പഴയ ഫോട്ടോ ഓണ്‍ലൈന്‍ ലോകത്തും വലിയ ചര്‍ച്ചയായിരിക്കുകയാണ്.
ബാലസരസ്വതി
പൈജാമ സ്യൂട്ട് ധരിച്ച്, കൈയില്‍ എരിയുന്ന സിഗരറ്റുമായി നില്‍ക്കുന്ന സുബ്ബലക്ഷ്മിയുടെയും ബാലസരസ്വതിയുടെയും ചിത്രമാണ് പുറത്തുവന്നത്. മദ്രാസ് ലോക്കല്‍ ഹിസ്റ്ററി ഫേസ്ബുക്ക് ഗ്രൂപ്പിലാണ് ഇത് പ്രത്യക്ഷപ്പെട്ടത്. മലയാളിയായ രശ്മി സതീഷാണ് ഈ ഫോട്ടോ പോസ്റ്റ് ചെയ്തത്.
ബാലസരസ്വതിയെക്കുറിച്ച് ഡഗ്ലസ് എം നൈറ്റ് എഴുതിയ ബാലസരസ്വതി: കലയും ജീവിതവും എന്ന പുസ്തകത്തിലുള്ളതാണ് ഈ ചിത്രമെന്നാണ് കരുതുന്നത്. വീട്ടകങ്ങളില്‍ അച്ചടക്കത്തോടെ കഴിഞ്ഞിരുന്ന ഇരു കലാകാരികളും സ്റ്റുഡിയോയില്‍ രഹസ്യമായി എത്തിയാണ് ഈ ചിത്രത്തിന് പോസ് ചെയ്തതെന്ന് ആ പുസ്തകത്തില്‍ പറയുന്നതായി ഒരു ബ്ലോഗര്‍ എഴുതുന്നു.
പിന്നീട് ലോക പ്രശസ്തരായ കലാകാരികളായി മാറിയ ഇരുവരുടെയും കൗമാര കാലത്താണ് ഈ ചിത്രം പകര്‍ത്തിയതെന്നും പറയുന്നു.
