ഐ.സി.ഐ.സി.ഐ ബാങ്ക് വിഡിയോകോണിന് വഴിവിട്ട് വായ്പ നൽകിയെന്ന ആരോപണത്തിൽ സി.ബി.ഐ ചന്ദാ കൊച്ചാറിനെതിരെ അന്വേഷണം ആരംഭിച്ചിരുന്നു
ദില്ലി: ഐസിഐസിഐ ബാങ്ക് എംഡി ചന്ദ കൊച്ചാര് രാജി വച്ചു. സന്ദീപ് ബക്ഷിയാണ് പുതിയ എംഡി. ഐ.സി.ഐ.സി.ഐ ബാങ്ക് വിഡിയോകോണിന് വഴിവിട്ട് വായ്പ നൽകിയെന്ന ആരോപണത്തിൽ സി.ബി.ഐ ചന്ദാ കൊച്ചാറിനെതിരെ അന്വേഷണം ആരംഭിച്ചിരുന്നു
ചന്ദാ കൊച്ചാറിനും ഭർത്താവ് ദീപക് കൊച്ചാറിനുമെതിരെയാണ് അന്വേഷണം. നഷ്ടത്തിലായ വിഡിയോ കോൺ ഗ്രൂപ്പിന് 3250 കോടി രൂപ വായ്പ അനുവദിച്ചതിന് പിന്നിൽ ചന്ദ കൊച്ചാറിന്റെ വ്യക്തി താൽപര്യങ്ങളുണ്ടെന്നും അവരുടെ കുടുംബങ്ങൾ സാമ്പത്തിക നേട്ടമുണ്ടാക്കിയെന്നുമാണ് ആരോപണം.
