ജിഎസ്ടി: ദൂരം 20 കിലോമീറ്ററിന് താഴെയെങ്കില് ഇനിമുതല് ഇ-വേ ബില് ആവശ്യമില്ല
50,000 രൂപയ്ക്ക് മുകളിലും ദൂരം 20 കിലോമീറ്ററിന് മുകളിലും ആണെങ്കില് ഇ-വേ ബില് വേണം.
തിരുവനന്തപുരം: സാധനങ്ങള് കൈമാറ്റം ചെയ്യുമ്പോള് (ബി2ബി) അതിന്റെ വില അരലക്ഷത്തിന് മുകളിലും ദൂരം 20 കിലോമീറ്ററിന് താഴെയുമാണെങ്കില് ഇ-വേ ബില് ആവശ്യമില്ലെന്ന് ജിഎസ്ടി വകുപ്പ് ഉത്തരവിറക്കി. ഇത്തരം കൈമാറ്റങ്ങള്ക്ക് ഇനിമുതല് സാധാരണ ബില് മതിയാകും. ബി2ബി ഇടപാടുകള് അരലക്ഷത്തിന് താഴെയാണെങ്കില് ഇ-വേ ബില് നിര്ബന്ധമില്ല. ദൂരം പ്രശ്നമല്ല.
50,000 രൂപയ്ക്ക് മുകളിലും ദൂരം 20 കിലോമീറ്ററിന് മുകളിലും ആണെങ്കില് ഇ-വേ ബില് വേണം. ബില്ലിലെ പഴുതുകള് ഉപയോഗിച്ച് സാധന കൈമാറാന് ശ്രമിക്കുന്നവര്ക്കെതിരെ നടപടി സ്വീകരിക്കാനും വകുപ്പ് തീരുമാനിച്ചു.