മമ്മൂട്ടി കമ്പനിയാണ് ചിത്രത്തിന്റെ നിര്മ്മാണം
മമ്മൂട്ടിയെ നായകനാക്കി ഗൗതം വസുദേവ് മേനോന് സംവിധാനം ചെയ്ത ഡൊമിനിക് ആന്ഡ് ദി ലേഡീസ് പഴ്സ് എന്ന ചിത്രത്തിലെ ഒരു വീഡിയോ സോംഗ് അണിയറക്കാര് പുറത്തുവിട്ടു. ചിത്രത്തില് സുഷ്മിത ഭട്ട് അവതരിപ്പിച്ചിരിക്കുന്ന, ഡാന്സര് ആയ നന്ദിതയുടെ ഒരു പെര്ഫോമന്സ് നടക്കുമ്പോള് മമ്മൂട്ടിയുടെ ഡൊമിനിക് അവിടേക്ക് എത്തുന്നതാണ് ഇതിന്റെ പശ്ചാത്തലം. ആണ്ടാളിന്റെ തിരുപ്പൂവൈ എന്ന ക്യാസിക്കല് കോമ്പോസിഷനില് നിന്നുള്ള വരികള്ക്കൊപ്പം അധിക വരികള് രചിച്ചിരിക്കുന്നത് വിനായക് ശശികുമാറാണ്. ദര്ബുക ശിവയാണ് സംഗീതം പകര്ന്നിരിക്കുന്നത്. കീര്ത്തന വൈദ്യനാഥനും കപില് കപിലനും ചേര്ന്നാണ് ഗാനം ആലപിച്ചിരിക്കുന്നത്.
ഡൊമിനിക് ഡിറ്റക്റ്റീവ്സ് എന്ന പേരില് കൊച്ചി നഗരത്തില് ഒരു ഡിറ്റക്റ്റീവ് ഏജന്സി നടത്തുന്ന ആളാണ് മമ്മൂട്ടി അവതരിപ്പിക്കുന്ന ടൈറ്റില് കഥാപാത്രം. ഡൊമിനിക്കിന്റെ അസിസ്റ്റന്റ് ആയി ഗോകുല് സുരേഷും ചിത്രത്തില് എത്തുന്നു. ഗൗതം വസുദേവ് മേനോന്റെ മലയാളം സംവിധാന അരങ്ങേറ്റമാണ് ഈ ചിത്രം. മമ്മൂട്ടി കമ്പനിയാണ് ചിത്രത്തിന്റെ നിര്മ്മാണം. ഈ ബാനര് നിര്മ്മിക്കുന്ന ആറാമത്തെ ചിത്രമാണ് ഇത്.
മമ്മൂട്ടിക്കും ഗോകുല് സുരേഷിനുമൊപ്പം സുഷ്മിത ഭട്ട്, വിജി വെങ്കിടേഷ്, വിനീത്, വിജയ് ബാബു തുടങ്ങിയവരാണ് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. ജോര്ജ് സെബാസ്റ്റ്യനാണ് എക്സിക്യൂട്ടീവ് പ്രൊഡ്യൂസര്. കഥ ഡോ. നീരജ് രാജന്, തിരക്കഥ, സംഭാഷണം ഡോ. നീരജ് രാജന്, ഡോ. സൂരജ് രാജന്, ഗൗതം വസുദേവ് മേനോന്, ഛായാഗ്രഹണം വിഷ്ണു ആര് ദേവ്, എഡിറ്റിംഗ് ആന്റണി, സംഗീതം ദര്ബുക ശിവ, പ്രൊഡക്ഷന് ഡിസൈനര് ഷാജി നടുവില്, സ്റ്റണ്ട്സ് സുപ്രീ സുന്ദര്, കലൈ കിങ്സണ്, ആക്ഷന് സന്തോഷ്, നൃത്തസംവിധാനം ബൃന്ദ മാസ്റ്റര്, കോ ഡയറക്ടര് പ്രീതി ശ്രീവിജയന്, ലൈന് പ്രൊഡ്യൂസര് സുനില് സിംഗ്, പ്രൊഡക്ഷന് കണ്ട്രോളര് അരോമ മോഹന്, ചീഫ് അസോസിയേറ്റ് ഡയറക്ടര് ആരിഷ് അസ്ലം, ഫൈനല് മിക്സ് തപസ് നായക്, കലാസംവിധാനം അരുണ് ജോസ്.
ALSO READ : മറ്റൊരു ഇന്വെസ്റ്റിഗേഷന് ത്രില്ലറുമായി സതീഷ് പോള്; 'എസെക്കിയേല്' പൂര്ത്തിയായി
