ബാബുരാജ് ഭക്തപ്രിയം സംവിധാനം ചെയ്യുന്ന ചിത്രം
സങ്കല്‍പ ഫ്രെയിംസിന്റെ ബാനറിൽ ബാബുരാജ് ഭക്തപ്രിയം രചനയും സംവിധാനവും നിർവ്വഹിക്കുന്ന സമരസ എന്ന ചിത്രത്തിലെ വീഡിയോ ഗാനം പുറത്തെത്തി. പ്രഭാകരൻ നറുകര എഴുതിയ വരികൾക്ക് അഭയ് എ കെ സംഗീതം നൽകി സിതാര കൃഷ്ണകുമാർ ആലപിച്ച മൊഹബത്തിൻ മൈലാഞ്ചി എന്നാരംഭിക്കുന്ന ഗാനമാണ് റീലീസായത്. ഒക്ടോബർ മുപ്പതിന് പ്രദർശനത്തിനെത്തുന്ന ഈ ചിത്രത്തിൽ ഇലവീഴാ പൂഞ്ചിറ, മന്ദാകിനി, റോന്ത്, കുട്ടൻ്റെ ഷിനിഗാമി തുടങ്ങിയ ചിത്രങ്ങളിലൂടെ ഏറേ ശ്രദ്ധേയയായ അഖില നാഥ് കേന്ദ്ര കഥാപാത്രമാവുന്നു. ഹരീഷ് പേരടി ശക്തമായ ഒരു കഥാപാത്രത്തെ അവതരിപ്പിക്കുന്നു.
പ്രദീപ് ബാലൻ, ദേവരാജ്, ദിനേശ് പട്ടത്ത്, വിജയകൃഷ്ണൻ, വിനോദ് കോഴിക്കോട്, ഹാഷിം ഹുസൈൻ, എം എ സേവ്യർ, രത്നാകരൻ, നിലമ്പൂർ ആയിഷ, മാളവിക ഷാജി, ബിനി ജോൺ, സുനിത എന്നിവർക്കൊപ്പം നിരവധി പുതുമുഖങ്ങളും ഈ ചിത്രത്തിൽ അഭിനയിക്കുന്നു. സുമേഷ് സുരേന്ദ്രൻ ഛായാഗ്രഹണം നിർവ്വഹിക്കുന്നു. പ്രഭാകരൻ നറുകരയുടെ വരികൾക്ക് അഭയ് എ കെ, ബാബുരാജ് ഭക്തപ്രിയം എന്നിവർ സംഗീതം പകരുന്നു. എഡിറ്റർ ജോമോൻ സിറിയക്, ആർട്ട്‌ ഡയറക്ടർ ഷിജു മാങ്കൂട്ടം.
മേക്കപ്പ് നീന പയ്യാനക്കൽ, കോസ്റ്റ്യൂംസ് ശ്രീനി ആലത്തിയൂർ, സ്റ്റിൽസ് സുമേഷ് ബാലുശ്ശേരി, പ്രൊഡക്ഷൻ കൺട്രോളർ ഗിജേഷ് കൊണ്ടോട്ടി, ചീഫ് അസോസിയേറ്റ് ഡയറക്ടർ ദേവ് രാജ്, അസോസിയേറ്റ് ഡയറക്ടർ ബേബി പുല്പറ്റ, സുധീഷ് സുബ്രമണ്യൻ, ഡിസൈൻ ഡാവഞ്ചി സ്റ്റുഡിയോ, വിതരണം സങ്കല്‍പ ഫ്രെയിംസ് റിലീസ്, പി ആർ ഒ- എസ് ദിനേശ്.
