സിബിൽ പതിവായി പരിശോധിക്കാറില്ലേ? ഈ 5 നേട്ടങ്ങൾ മറക്കരുത്
വായ്പ എടുക്കാൻ നേരത്തായിരിക്കും പലരും സിബിൽ സ്കോർ പരിശോധിക്കുക. എന്നാൽ അത് തെറ്റാണ്. ഒരാൾ അവരുടെ ക്രെഡിറ്റ് സ്കോർ പതിവായി നിരീക്ഷിക്കുന്നത് ഗുണം ചെയ്യും.
എന്താണ് ക്രെഡിറ്റ് സ്കോർ അഥവാ സിബിൽ സ്കോർ? ഒരു വ്യക്തി സാമ്പത്തിക കാര്യങ്ങൾ കൈകാര്യം ചെയ്യുന്നതിന് ലഭിക്കുന്ന സ്കോർ ആണിത്. പലപ്പോഴും വായ്പ എടുക്കാൻ നേരത്തായിരിക്കും പലരും സിബിൽ സ്കോർ പരിശോധിക്കുക. എന്നാൽ അത് തെറ്റാണ്. ഒരാൾ അവരുടെ ക്രെഡിറ്റ് സ്കോർ പതിവായി നിരീക്ഷിക്കുന്നത് ഗുണം ചെയ്യും. വർഷത്തിൽ ഒരിക്കലെങ്കിലും സിബിൽ സ്കോർ പരിശോധിക്കാൻ വിദഗ്ദർ ശുപാർശ ചെയ്യുന്നു.
കൃത്യമായ ഇടവേരളകളിൽ സിബിൽ സ്കോർ പരിശോധിയ്ക്കണമെന്ന് പറയാനുള്ള കാരണം എന്തായിരിക്കും? ഉദാഹരണത്തിന്, സിബിൽ സ്കോറിലെ ചില അശ്രദ്ധമായ തെറ്റുകൾ കാരണം യഥാർത്ഥ ക്രെഡിറ്റ് യോഗ്യതയെ അത്പ്രതിഫലിപ്പിക്കുന്നില്ലെങ്കിൽ എന്തുചെയ്യും? അതിനാൽ സിബിൽ സ്കോർ പരിശോധിക്കണം. ഇതുമാത്രമല്ല ഈ 5 കാരണങ്ങൾ കൂടിയുണ്ട്.
1. തെറ്റുകൾ നേരത്തെ കണ്ടെത്താം
നിങ്ങളുടെ ക്രെഡിറ്റ് സ്കോർ പരിശോധിക്കുന്നത് നിങ്ങളുടെ ക്രെഡിറ്റ് റിപ്പോർട്ടിലെ പിഴവുകൾ പെട്ടെന്ന് തിരിച്ചറിയാൻ നിങ്ങളെ പ്രാപ്തരാക്കുന്നു. ഈ പിശകുകളിൽ തെറ്റായ വ്യക്തിഗത വിവരങ്ങൾ, വഞ്ചനാപരമായ അക്കൗണ്ടുകൾ അല്ലെങ്കിൽ തെറ്റായി റിപ്പോർട്ട് ചെയ്ത പേയ്‌മെൻ്റ് ഹിസ്റ്ററി എന്നിവ ഉൾപ്പെട്ടേക്കാം. ഈ പിശകുകൾ ഉടനടി തിരുത്തിയാൽ നിങ്ങളുടെ ക്രെഡിറ്റ് യോഗ്യതയെ പ്രതികൂലമായി ബാധിക്കില്ല.
2. ഐഡൻ്റിറ്റി സംരക്ഷിക്കാം
ക്രെഡിറ്റ് സ്കോർ നിരീക്ഷിക്കുന്നത് നിയമവിരുദ്ധ പ്രവർത്തനങ്ങൾ നടക്കുന്നുണ്ടോ എന്ന് പരിശോധിക്കാൻ സഹായിക്കും. ക്രെഡിറ്റ് റിപ്പോർട്ടിൽ അപരിചിതമായ അക്കൗണ്ടുകളോ സംശയാസ്പദമായ അന്വേഷണങ്ങളോ ശ്രദ്ധയിൽപ്പെട്ടാൽ, നിങ്ങൾക്ക് ഉടനടി നടപടിയെടുക്കാം.
3. സാമ്പത്തിക ആരോഗ്യം നിലനിർത്താം:
ഒരു വ്യക്തിയുടെ ക്രെഡിറ്റ് സ്കോർ സാമ്പത്തിക ആരോഗ്യവും ക്രെഡിറ്റ് യോഗ്യതയും കാണിക്കുന്നു. നിങ്ങളുടെ ക്രെഡിറ്റ് സ്കോർ പതിവായി പരിശോധിക്കുന്നത്, കാലക്രമേണ ഉണ്ടാകുന്ന മാറ്റങ്ങൾ തിരിച്ചറിയാനും മെച്ചപ്പെടുത്തുന്നതിനുള്ള അവസരം ലഭിക്കുന്നു. പേയ്‌മെൻ്റ് ചരിത്രം, ക്രെഡിറ്റ് അന്വേഷണങ്ങൾ എന്നിവ പോലുള്ള നിങ്ങളുടെ ക്രെഡിറ്റ് സ്‌കോറിനെ ബാധിക്കുന്ന ഘടകങ്ങൾ അറിയുന്നതിലൂടെ, നിങ്ങളുടെ സാമ്പത്തിക നില നിലനിർത്തുന്നതിനോ മെച്ചപ്പെടുത്തുന്നതിനോ വേണ്ടിയുള്ള തീരുമാനങ്ങൾ എടുക്കാം.
4. നിബന്ധനകൾ അനുകൂലമാക്കാം
നിങ്ങൾ ഒരു വായ്പയ്ക്ക് അപേക്ഷിക്കാനോ കടം കൊടുക്കുന്നവരുമായി നിബന്ധനകൾ ചർച്ച ചെയ്യാനോ ആഗ്രഹിക്കുന്നുവെങ്കിൽ, നിങ്ങളുടെ ക്രെഡിറ്റ് സ്‌കോറിനെ കുറിച്ചുള്ള അറിവ് വ്യക്തതയോടെ ഇടപെടാൻ നിങ്ങളെ അനുവദിക്കും.
5. സാമ്പത്തിക ലക്ഷ്യം കണ്ടെത്താം
ക്രെഡിറ്റ് സ്കോർ പരിശോധിക്കുന്നത് സാമ്പത്തിക ലക്ഷ്യങ്ങൾ ഉണ്ടാകാൻ സഹായിക്കും. കുറഞ്ഞ സിബിൽ സ്കോർ ആണെങ്കിൽ അത് കൂട്ടാനുള്ള വഴികൾ തേടുന്നത് പോലെ പല കാര്യങ്ങളും സാമ്പത്തിക ലക്ഷ്യം കൈവരും. ക്രെഡിറ്റ് സ്കോർ മെച്ചപ്പെടുത്തുന്നതിനും വായ്പയ്ക്ക് കുറഞ്ഞ പലിശ നിരക്ക് നേടുന്നതിനും പോലുള്ള നിങ്ങളുടെ സാമ്പത്തിക ലക്ഷ്യങ്ങൾ കൈവരിക്കുന്നതിന് ഇത് പ്രചോദനമാകും
