റെക്കോർഡ് തകർത്ത് സ്വർണ നിരക്ക് ഉയരുന്നു, ആഭരണ വിപണിയിൽ സമ്മർദ്ദം
ഇതോടെ ഒരു പവൻ സ്വർണാഭരണം വാങ്ങാൻ ഉപഭോക്താക്കൾ പണിക്കൂലിയും നികുതിയും സെസ്സും അടക്കം 39,000 ത്തോളം രൂപ നൽകേണ്ടി വരും.
തിരുവനന്തപുരം: കേരളത്തിലെ സ്വർണ വില റെക്കോർഡ് തകർത്ത് മുന്നേറുകയാണ്. ഇന്ന് ഗ്രാമിന് 20 രൂപയാണ് കൂടിയത്. പവന് 160 രൂപയും വർധിച്ചു. ഗ്രാമിന് 4,460 രൂപയാണ് ഇന്നത്തെ നിരക്ക്. പവന് 35,680 രൂപയും.
കഴിഞ്ഞ ദിവസം ഗ്രാമിന് 4,440 രൂപയായിരുന്നു നിരക്ക്. പവന് 35,520 രൂപയും. അന്താരാഷ്ട്ര സ്വർണവിലയിലും വൻ വർധനവാണ് റിപ്പോർട്ട് ചെയ്യുന്നത്. കഴിഞ്ഞ ദിവസം ട്രോയ് ഔൺസിന് (31.1 ഗ്രാം) നാല് ഡോളറോളം നിരക്ക് വർധിച്ചിരുന്നു. അന്താരാഷ്ട്ര വിപണിയിൽ 1, 745 ഡോളറാണ് നിലവിലെ നിരക്ക്. ഇതോടെ ഒരു പവൻ സ്വർണാഭരണം വാങ്ങാൻ ഉപഭോക്താക്കൾ പണിക്കൂലിയും നികുതിയും സെസ്സും അടക്കം 39,000 ത്തോളം രൂപ നൽകേണ്ടി വരും.