കണ്ണൂരില്‍ വാഹനാപകടങ്ങളില്‍ രണ്ടു സ്ത്രീകള് മരിച്ചു
കണ്ണൂര്‍: കണ്ണൂരിലുണ്ടായ രണ്ട് വാഹനാപകടങ്ങളിലായി രണ്ട് സ്ത്രീകള് മരിച്ചു. കാടാച്ചിറയിലും നടാലിലുമാണ് അപകടങ്ങളുണ്ടായത്. നടാലില്‍ രാവിലെ എട്ടരയ്ക്ക് ലോറിയിടിച്ച് കാല്‍നടയാത്രക്കാരിയായ ചന്ദ്രിയും, കാടാച്ചിറയില്‍ ബൈക്കിന് പിന്നിലിരുന്ന് യാത്ര ചെയ്യുന്നതിനിടെ ബസിടിച്ച് ബേബി ശ്രുതിയുമാണ് മരിച്ചത്. കണ്ണൂര്‍ എ കെ ജി നഴ്‌സിംഗ് കോളേജിലെ ട്യൂട്ടറാണ് ബേബി ശ്രുതി. ഇരുവരുടെയും മൃതദേഹങ്ങള്‍ പോസ്റ്റുമോര്‍ട്ടത്തിനുശേഷം ബന്ധുക്കള്‍ക്ക് വിട്ടുനല്‍കി. അപകടമുണ്ടാക്കിയ വാഹനങ്ങള്‍ ഓടിച്ചിരുന്നവര്‍ക്കെതിരെ പൊലീസ് കേസ് എടുത്തിട്ടുണ്ട്.
Last Updated Oct 5, 2018, 1:07 AM IST
