നാലുവയസുകാരിയെ ബലാത്സംഗം ചെയ്ത് കൊന്നു പേരക്കുട്ടിയെ ബലാത്സംഗം ചെയ്ത് കൊന്ന 60 വയസുകാരൻ അറസ്റ്റില്‍
കൊണ്ടോഗോൺ: ഛത്തീസ്ഗഢില് നാലു വയസുകാരിയായ പേരക്കുട്ടിയെ ബലാത്സംഗം ചെയ്ത് കൊന്ന 60 വയസുകാരൻ അറസ്റ്റില്. ഛത്തീസ്ഗഢിലെ കൊൻഡാഗോണിലാണ് സംഭവം.
ജൂണ് 11 നാണ് കേസിനാസ്പദമായ സംഭവം നടന്നത്. കുട്ടിയെ കാണാനില്ലെന്ന അച്ഛന്റെ പരാതിയില് പൊലീസ് നടത്തിയ അന്വേഷണത്തിലാണ് കുട്ടിയുടെ മൃതദേഹം കണ്ടെത്തിയത്. കുട്ടിയുടെ മൃതദേഹം പ്രതി ആദ്യം ഉണങ്ങിയ പുല്ച്ചെടിക്കുളില് ഒളിപ്പിക്കുകയും പിന്നീട് ചെളിവെള്ളത്തില് എറിയുകയുമായിരുന്നുവെന്ന് പൊലീസ് സൂപ്രണ്ട് അഭിഷേക് പല്ലാവ് അറിയിച്ചു. പ്രതിക്കെതിരെ 302 വകുപ്പ് പ്രകാരം കേസ് എടുത്തിട്ടുണ്ട്.
