കന്യാസ്ത്രീകളുടെ സമരത്തില് പങ്കെടുത്ത യാക്കോബായാ റമ്പാനെതിരെ നടപടി
പൊതുപരിപാടികളിൽ പങ്കെടുക്കുന്നതിൽ നിന്ന് റമ്പാനെ സഭാ നേതൃത്വം വിലക്കി.
ജലന്ധര് മുന് ബിഷപ്പ് ഫ്രാങ്കോ മുളയ്ക്കലിനെ അറസ്റ്റ് ചെയ്യണമെന്നാവശ്യപ്പെട്ട് കന്യാസ്ത്രീകള് നടത്തിയ സമരത്തെ പിന്തുണച്ച യാക്കോബായാ റമ്പാനെതിരെ നടപടി. യൂഹാനോൻ റമ്പാനെതിരെയാണ് സഭ അധ്യക്ഷന്റെ നടപടി. പൊതുപരിപാടികളിൽ പങ്കെടുക്കുന്നതിൽ നിന്ന് റമ്പാനെ സഭാ നേതൃത്വം വിലക്കി.
കത്തോലിക്കാ സഭയുടെ അഭ്യർത്ഥനയെ തുടർന്നാണ് നടപടി. റമ്പാൻ എന്നാൽ ദയറകളിൽ പ്രാർത്ഥിച്ചു കഴിയേണ്ട ആളാണെന്നും പൊതുപരിപാടികളിൽ പങ്കെടുക്കേണ്ടതില്ലെന്നുമാണ് കൽപ്പന. മാർ ഇഗ്നാത്തിയോസ് അഫ്രേം രണ്ടാമൻ ആണ് കൽപ്പന പുറപ്പെടുവിച്ചത്.