നടിയുടെ പേരും ചിത്രവും പ്രസിദ്ധീകരിച്ച തമിഴ് മാധ്യമങ്ങള്ക്കെതിരെ വനിതാ കമ്മീഷന്
തിരുവനന്തപുരം: കൊച്ചിയില് ആക്രമണത്തിന് ഇരയായ നടിയുടെ പേരും ചിത്രവും പ്രസിദ്ധീകരിച്ചതിന് തമിഴ് മാധ്യങ്ങള്ക്കെതിരെ കേരള വനിതാ കമ്മിഷന്. ചിത്രവും പേരും പ്രസിദ്ധീകരിച്ച മാധ്യമങ്ങള്ക്കെതിരെ നടപടി ആവശ്യപ്പെട്ട് തമിഴ്നാട് വനിതാ കമ്മിഷനും പബ്ലിക് റിലേഷന്സ് വകുപ്പിനും സംസ്ഥാന വനിതാ കമ്മിഷന് കത്തയച്ചു.
കഴിഞ്ഞ ദിവസം കേസില് നടന് ദിലീപ് അറസ്റ്റിലായപ്പോള് ആക്രമണത്തിന് ഇരയായ നടിയുടെ പേരും ചിത്രവും ചില തമിഴ് മാധ്യമങ്ങള് ഒന്നാം പേജില് വലിയ പ്രാധാന്യത്തോടെ പ്രസിദ്ധീകരിച്ചിരുന്നു. ഇതിനുപിന്നാലെയാണ് നടപടി ആവശ്യപ്പെട്ട് സംസ്ഥാന വനിതാ കമ്മിഷന് കത്തയച്ചിരിക്കുന്നത്.