ഇരിട്ടി: കണ്ണൂരില് കൊലചെയ്യപ്പെട്ട ഷുഹൈബിന്റെ കുടുംബ സഹായ ഫണ്ടിലേക്ക് സംഭവന നല്കി കേസിലെ പ്രതിയായ ആകാശ് തില്ലങ്കേരിയുടെ പിതാവ്. കോണ്ഗ്രസിന്റെ നേതൃത്വത്തില് നടക്കുന്ന ഷുഹൈബ് ഫണ്ടിലേക്കാണ് ആകാശ് തില്ലങ്കേരിയുടെ പിതാവ് വഞ്ചേരി രവീന്ദ്രന് സംഭാവന നല്കിയത് എന്ന് ഒരു പ്രമുഖ പത്രം റിപ്പോര്ട്ട് ചെയ്യുന്നു
തില്ലങ്കേരി ടൗണില് ശനിയാഴ്ച തില്ലങ്കേരി മണ്ഡലം കോണ്ഗ്രസ് കമ്മിറ്റിയുടെ നേതൃത്വത്തില് ബക്കറ്റ് പിരിവിലൂടെ ഷുഹൈബ് ഫണ്ടിലേക്ക് സംഭാവന സ്വീകരിക്കുന്നതിനിടയിലാണ് ആകാശ് തില്ലങ്കേരിയുടെ പിതാവ് വഞ്ചേരി രവീന്ദ്രനും പങ്കാളിയായത്.
പിരിവിനെത്തിയപ്പോള് ടൗണിലെ ഹോട്ടലിനു മുന്നില് നില്ക്കുകയായിരുന്നു ആകാശിന്റെ അച്ഛന്. പിരിവ് സംഘം മുന്നിലെത്തിയതോടെ പോക്കറ്റില് നിന്ന് 100 രൂപയെടുത്ത് ഇത് എന്റെ വക എന്നു പറഞ്ഞ് ബക്കറ്റിലേയ്ക്ക് ഇടുകയായിരുന്നു.
