പഞ്ചാബിൽ അമരീന്ദർ സിംഗ് അധികാരമേറ്റു
ചണ്ഡിഗഡ്: പഞ്ചാബിൽ അമരീന്ദർ സിംഗിന്‍റെ നേതൃത്വത്തിലുള്ള കോൺഗ്രസ് മന്ത്രിസഭ സത്യപ്രതിജ്ഞ ചെയ്ത് അധികാരമേറ്റു. രാജ്ഭവനിൽ നടന്ന ചടങ്ങിൽ ഗവർണർ വി.പി. സിംഗ് സത്യവാചകം ചൊല്ലിക്കൊടുത്തു. പത്തു വർഷത്തിനു ശേഷമാണു പഞ്ചാബിൽ കോൺഗ്രസ് സർക്കാർ അധികാരത്തിലെത്തുന്നത്.
മന്ത്രിസഭാംഗങ്ങളായി നവ്ജ്യോത് സിംഗ് സിദ്ദു, മൻപ്രീത് ബദൽ, ബ്രഹം മോഹിന്ദ്ര, ചർൺജിത്ത് ചന്നി, റാണ ഗുർജിത്ത്, ത്രിപത് ബജ്വ, അരുണ ചൗധരി, റസിയ സുൽത്താന എന്നിവരും സത്യപ്രതിജ്ഞ ചെയ്തു. 117 അംഗസഭയിൽ 77 സീറ്റുകൾ നേടിയാണ് കോൺഗ്രസ് അധികാരത്തിൽ എത്തിയത്.
കോൺഗ്രസ് വൈസ് പ്രസിഡന്‍റ് രാഹുൽഗാന്ധി, മുൻ പ്രധാനമന്ത്രി മൻമോഹൻ സിംഗ് തുടങ്ങിയവർ സത്യപ്രതിജ്ഞാ ചടങ്ങിൽ പങ്കെടുത്തു. പത്തു വർഷത്തിനു ശേഷമാണു പഞ്ചാബിൽ കോൺഗ്രസ് സർക്കാർ അധികാരത്തിലെത്തുന്നത്.
