ദേഹാസ്വാസ്ഥ്യം; അമിതാഭ് ബച്ചന്‍ ആശുപത്രിയിൽ
മുംബൈ: ബോളിവുഡ് താരം അമിതാഭ് ബച്ചനെ ദേഹാസ്വാസ്ഥ്യത്തെ തുടർന്ന് ആശുപത്രിയിൽ പ്രവേശിപ്പിച്ചു. മുംബൈ ലീലാവതി ആശുപത്രിയില്‍ ഇന്ന് വൈകിട്ടോടെയാണ് അദ്ദേഹത്തെ പ്രവേശിപ്പിച്ചത്. കടുത്ത ശരീരവേദനയെ തുടർന്ന് ആശുപത്രിയിലെത്തിച്ച ബച്ചനെ പിന്നീട്, അ‍ഡ്മിറ്റ് ചെയ്യുകയായിരുന്നു. ആരോഗ്യസ്ഥിതിയെകുറിച്ച് ആശങ്കപ്പെടേണ്ട സാഹചര്യമില്ലെന്നാണ് പ്രാഥമികവിവരം. എന്നാൽ, ആശുപത്രിവൃത്തങ്ങൾ ഇതേക്കുറിച്ച് പ്രതികരിച്ചിട്ടില്ല. ഇന്ന് രാവിലെ മുംബൈയിൽനടന്ന, പുതിയ സിനിമയുടെ ടീസർറിലീസ് ചടങ്ങിൽ അദ്ദേഹം പങ്കെടുത്തിരുന്നു. ശേഷം വീട്ടിലെത്തിയപ്പോഴാണ് ശരീരവേദന അനുഭവപ്പെട്ടത്.
Last Updated Oct 4, 2018, 6:19 PM IST
