കോപ്പ അമേരിക്ക സെമി; ആദ്യ പകുതിയില് അര്ജന്റീന മുന്നില്
കോപ്പ അമേരിക്കയുടെ ആദ്യ സെമിയില് അമേരിക്കക്കെതിരെ അര്ജന്റീന മൂന്ന് ഗോളിന് മുന്നില്. മെസ്സിയും ലവേസിയും ഹിഗ്വെയ്നുമാണ് അര്ജന്റീനയ്ക്ക് വേണ്ടി ഗോള് നേടിയത്. കളിയുടെ തുടക്കം മുതല് അര്ജന്റീനയുടെ സര്വ്വാധിപത്യമായിരുന്നു. മെസ്സിയുടെ 55ാം ഗോളാണ് കോപ്പ സെമിയില് പിറന്നത്. ഇതോടെ അര്ജന്റീനക്ക് വേണ്ടി ഏറ്റവും കൂടുതല് ഗോള് നേടുന്ന താരമെന്ന റെക്കോര്ഡും ലിയൊണല് മെസ്സിക്ക് സ്വലന്തമായി. ഗബ്രിയേല് ബാറ്റിസ്റ്റ്യൂട്ടയുടെ റെക്കോഡാണ് മെസ്സി ഇന്ന് മറികടന്നത്. ടൂര്ണമെന്റില് മെസ്സിയുടെ അഞ്ചാം ഗോളാണിത്.