ഖേല്‍രത്‌ന, അര്‍ജുന പുരസ്‌കാര ജേതാക്കളെ ഇന്നറിയാം
ദില്ലി: രാജ്യത്തെ പരമോന്നത കായിക പുരസ്‌കാരമായ ഖേല്‍രത്‌ന, അര്‍ജുന പുരസ്‌കാര ജേതാക്കളെ ഇന്നറിയാം. ജസ്റ്റിസ് സി എസ് താക്കറിന്റെ അധ്യക്ഷതയിലെ പുരസ്‌കാര നിര്‍ണ്ണയ സമിതിയാണ് ജേതാക്കളെ തീരുമാനിക്കുന്നത്. രാവിലെ 10.30നു സമിതി യോഗം ചേരും. ഹോക്കി താരം സര്‍ദാര്‍ സിംഗ്, പാരാലിമ്പിക്സില്‍ മെഡല്‍ നേടിയ ദേവേന്ദ്ര ജജാറിയ,ദീപ മാലിക്, മാരിയപ്പന്‍ തങ്കവേലു, മനോജ് കുമാര്‍ തുടങ്ങിയവര്‍ ഖേല്‍രത്‌ന പട്ടികയില്‍ ഇടംപിടിച്ചു.
പിടി ഉഷയും വീരേന്ദര്‍ സെവാഗും സമിതിയില്‍ അംഗമാണ്. നീന്തല്‍ താരം സജന്‍ പ്രകാശ്, ഷൂട്ടിംഗ് താരം അയോണിക പോള്‍, ക്രിക്കറ്റ് താരങ്ങളായ ചേതേശ്വര്‍ പുജാര,ഹര്‍മന്‍ പ്രീത് കൗര്‍, ഫുട്‌ബോള്‍ താരം ജെജെ ലാല്‍ പെഖുല, ബില്യാര്‍ഡ്സ് താരം വിദ്യ പിള്ള,ചെസ്സ് താരം
എസ്പി സേതുരാമന്‍, അത്‌ലറ്റ് പികെ ജെയ്‌സണ്‍,ഹോക്കി താരം റിതു റാണി തുടങ്ങിയ താരങ്ങളാണ് അര്‍ജുന അവാര്‍ഡ് പട്ടികയില്‍ ഉള്ളത്. ഇത്തവണ കേരളം ആരെയും നാമനിര്‍ദ്ദേശം ചെയ്തിട്ടില്ല
