ബംഗലൂരുവില്‍ പുതുവര്‍ഷ ദിനത്തില്‍ വ്യാപകമായി സ്ത്രീകള്‍ക്കെതിരെ നടന്ന ലൈംഗിക അതിക്രമങ്ങളുടെ ഭീകരത വെളിവാക്കുന്ന പുതിയ വീഡിയോ ദൃശ്യം ചര്‍ച്ചയാകുന്നു. ഞായറാഴ്ച ബംഗലൂരുവിലെ കമ്മനഹള്ളിയിലെ ഒരു സിസിടിവിയിലാണ് ദൃശ്യങ്ങള്‍ ലഭിച്ചത്.

ഇവിടുത്തെ 5 മെയിന്‍ റോഡിലൂടെ ജനുവരി ഒന്നാം തീയതി പുലര്‍ച്ചെ 2.30ന് ഒറ്റയ്ക്ക് നടന്നുവരുകയായിരുന്ന യുവതിയെ ബൈക്കില്‍ എത്തിയ രണ്ടുപേര്‍ ആക്രമിക്കുകയും ലൈംഗികമായി ഉപയോഗിക്കുന്നതിന്‍റെയും ഭീകരദൃശ്യങ്ങളാണ് ഇപ്പോള്‍ പുറത്ത് എത്തിയിരിക്കുന്നത്. ഏറ്റവും ഭീകരമായ കാര്യം ആ റോഡിന്‍റെ ഒരു വശത്ത് പല വാഹനങ്ങളും കടന്ന് പോകുന്നെങ്കിലും ആരും പ്രതികരിക്കുന്നില്ല എന്നതാണ്.

സംഭവത്തില്‍ ഇതുവരെ പരാതിയൊന്നും ലഭിച്ചിട്ടില്ല. വീഡിയോയുടെ അടിസ്ഥാനത്തില്‍ പോലീസ് അന്വേഷണത്തിന് തുടക്കമിട്ടു എന്നാണ് റിപ്പോര്‍ട്ട്.