ഹോട്ടലിൽ ബില്ല് അടക്കാതെ ജീവന്‍ കളഞ്ഞ് ഒരു രക്ഷപ്പെടല്‍
ബീയജിംഗ്: ഹോട്ടലിൽ കയറി താമസിച്ച് ബില്ല് അടക്കാതെ രക്ഷപ്പെടാനുള്ള ചൈനീസ് യുവാവിന്‍റെ ശ്രമം വൈറലാകുന്നു. പത്തൊന്‍പതാം നിലയിലെ റൂമില്‍ നിന്നും ഫോണ് കേബിളിൽ തൂങ്ങിയാടിയാണ് ഇയാള്‍ രക്ഷപ്പെടാന്‍ നോക്കിയത്. ഇയാളുടെ റൂമിന് പുറത്ത് ജനലിന്‍റെ പുറത്ത് മറ്റൊരു കെട്ടിടവുമായി ബന്ധിപ്പിക്കുന്ന ടെലിഫോണ് കേബിളുകൾ കണ്ടത്. നല്ല ബലമുള്ളതാണ് ഈ കേബിളുകൾ. ഇഷ്ടൻ ആ കേബിളുകളിൽ പിടിച്ച് മുകളിലേക്കു കയറാൻ തുടങ്ങി.
അപ്പോഴേക്കും ഇയാളുടെ ആകാശനടത്തം കാണാൻ ആളുകൾ താഴെക്കൂടിയിരുന്നു. യാത്രയ്ക്കിടെ മറ്റൊരു കേബിളിൽ കുടുങ്ങി ആൾ ആകാശത്ത് തൂങ്ങിക്കിടന്നു. ഇതു കണ്ടപ്പോൾ താഴെ നിന്ന ആളുകൾക്ക് കാര്യം അത്ര പന്തിയല്ലെന്ന് മനസിലായി. ഉടൻതന്നെ ഫയർ ഫോഴ്സിനെ വിവരമറിയിച്ചു. ഫയർഫോഴ്സ് എത്തിയാണ് കേബിളുകൾക്കിടയിൽ കുടുങ്ങിക്കിടന്ന അയാളെ രക്ഷപ്പെടുത്തിയത്. ഏതായാലും ഇയാൾ ഇപ്പോൾ പോലീസ് കസ്റ്റഡിയിലാണ്.
