വ്യവസായി റബിഉല്ലയെ തട്ടിക്കൊണ്ടു പോകാൻ ശ്രമം; ബിജെപി നേതാവ് അറസ്റ്റില്
മലപ്പുറം: പ്രമുഖ പ്രവാസി വ്യവസായിയും ഷിഫാ അൽ ജസീറ ഗ്രൂപ്പ് ചെയർമാനുമായ കെ.ടി. റബിഉല്ലയെ തട്ടിക്കൊണ്ടു പോകാൻ ശ്രമിച്ച കേസിൽ ബിജെപി ദേശീയ നേതാവ് അറസ്റ്റിൽ. ബിജെപി പോഷക സംഘടനയായ ന്യൂനപക്ഷ മോർച്ച ദേശീയ വൈസ് പ്രസിഡന്റ് അസ്ലം ഗുരുക്കൾ ആണ് അറസ്റ്റിലായത്.
തിങ്കളാഴ്ച രാവിലെ മലപ്പുറം ഈസ്റ്റ് കോഡൂരിലുള്ള റബിഉല്ലയുടെ വസതിയിൽ ഒരു സംഘം ആളുകൾ അതിക്രമിച്ച് കയറുകയായിരുന്നു. ഇവരിൽ മൂന്നു പേരെ നാട്ടുകാർ പിടികൂടി പോലീസിൽ ഏൽപ്പിച്ചിരുന്നു. അസ്ലം ഗുരുക്കളുടെ നേതൃത്വത്തിലാണ് സംഘം എത്തിയതെന്ന് പിന്നീട് പോലീസ് നടത്തിയ അന്വേഷണത്തിൽ തെളിയുകയായിരുന്നു. സംഭവവുമായി ബന്ധപ്പെട്ട് ഏഴു പേരാണ് പോലീസ് കസ്റ്റഡിയിലുള്ളത്.