പ്രധാനമന്ത്രിയുടെ വസതി സ്ഥിതി ചെയ്യുന്ന റോഡിന്റെ പേര് മാറ്റാൻ നീക്കം
പ്രധാനമന്ത്രിയുടെ വസതി സ്ഥിതിചെയ്യുന്ന റോഡിന്റെ പേര് ഇന്ത്യൻ സംസ്ക്കാരത്തിന് യോചിച്ചതല്ല എന്നാണ് മീനാക്ഷിലേഖിയുടെ വാദം. ബിജെപി നേതാവ് ദീന് ദയാൽ ഉപാധ്യായയുടെ 100ജന്മദിനം രാജ്യം ഈ വർഷം ആഘോഷിക്കുന്നതിനാൽ അദ്ദേഹത്തിന്റെ സ്മരണയ്ക്കായി 7 റേസ്കോഴ്സ് റോഡിന്റെ പേര് ഏക്താ മാര്ഗ് എന്നാക്കണമെന്നാണ് നിര്ദേശം.
ദീന് ദയാലിന്റെ തത്വമായ ഏക്താ മാനവിൽ നിന്നും കടംകൊണ്ടതാണ് ഈ പേരെന്നും ലേഖി പറഞ്ഞു. ഈ മാസം 22 ന് നടക്കുന്ന ഡല്ഹി മുനിസിപ്പൽ കൗണ്സിൽ യോഗത്തിൽ പേരുമാറ്റത്തിനുള്ള നിര്ദേശം മീനാക്ഷി ലേഖി അവതരിപ്പിക്കുമെന്നാണ് സൂചന. രാജീവ് ഗാന്ധി പ്രധാനമന്ത്രിയായപ്പോഴാണ് 7 റേസ്കോഴ്സ് റോഡ് ആദ്യമായി പ്രധാനമന്ത്രിയുടെ ഔദ്യോഗിക വസതിയായത്.