ഇന്ത്യന്‍ രാഷ്‌ട്രീയത്തില്‍ കോണ്‍ഗ്രസിന്റെ ഗതിയാണ് ബി.ജെ.പിക്കും വരാന്‍ പോകുന്നതെന്ന് ശിവസേന. ബി.ജെ.പിയുടെ തുടര്‍ച്ചയായ തെരഞ്ഞെടുപ്പ് വിജയങ്ങള്‍ കോണ്‍ഗ്രസിന്റെ പ്രതാപകാലത്തെ ഓര്‍മിപ്പിക്കുന്നുവെന്ന് ശിവസേനയുടെ മുഖപത്രമായ സാംനയാണ് വിലയിരുത്തുന്നത്. വിജയത്തില്‍ മതിമറക്കുന്ന ബി.ജെ.പി കോണ്‍ഗ്രസിന്റെ ഇന്നത്തെ അവസ്ഥയിലേക്ക് ഉടന്‍ കൂപ്പുകുത്തുമെന്ന് സാംനയിലെ മുഖപ്രസംഗം പറയുന്നു. കേന്ദ്രത്തില്‍ മോദിയുടെയും മഹാരാഷ്‌ട്രയില്‍ ഫട്നാവിസിന്റെയും മായാജാലങ്ങള്‍ ജനം ആസ്വദിക്കുന്നതിനാലാണ് തെരഞ്ഞെടുപ്പില്‍ വിജയിക്കുന്നതെന്നും സാംന വിലയിരുത്തി. മഹാരാഷ്‌ട്രയില്‍ പഞ്ചായത്ത് മുനിസിപ്പല്‍ തെരഞ്ഞെടുപ്പുകളില്‍ ബി.ജെ.പി കോണ്‍ഗ്രസിന്റെ ഇന്നത്തെ അവസ്ഥയിലേക്ക് ജയിച്ചുവരുന്ന പശ്ചാത്തലത്തിലാണ് സാംന മുഖപ്രസംഗം.