സഹജീവികളോടുള്ള സ്നേഹമാണ് അര്‍പ്പണബോധത്തോടെ സേവനം ചെയ്യുന്ന ഡോക്ടര്‍മാര്‍ക്ക് വലുത്
തിരുവനന്തപുരം: നിപ ബാധിത പ്രദേശങ്ങളിൽ സേവനം അനുഷ്ടിക്കാമെന്ന യുപിയിലെ ഡോക്ടര് കഫീൽ ഖാന്റെ ആവശ്യത്തെ സ്വാഗതം ചെയ്തു മുഖ്യമന്ത്രി പിണറായി വിജയന്. നിപ്പ വൈറസ്ബാധ കണ്ടെത്തിയ കോഴിക്കോട് ജില്ലയില് സേവനമനുഷ്ഠിക്കാന് സന്നദ്ധനാന്നെന്നും അതിന് തനിക്ക് അവസരം നല്കണമെന്നും അഭ്യര്ത്ഥിച്ച യു.പി.യിലെ ഡോക്ടര് കഫീല്ഖാന്റെ ട്വിറ്റര് സന്ദേശം കാണാനിടയായെന്നും വൈദ്യശാസ്ത്രരംഗത്ത് സ്വന്തം ആരോഗ്യമോ ജീവന്പോലുമോ പരിഗണിക്കാതെ അര്പ്പണബോധത്തോടെ സേവനമനുഷ്ഠിക്കുന്ന ധാരാളം ഡോക്ടര്മാരുണ്ട്. അവരില് ഒരാളായാണ് ഞാന് ഡോ. കഫീല്ഖാനെയും കാണുന്നതെന്ന് മുഖ്യമന്ത്രി ഫേസ്ബുക്ക് കുറിപ്പില് വിശദമാക്കി.
സഹജീവികളോടുള്ള സ്നേഹമാണ് അര്പ്പണബോധത്തോടെ സേവനം ചെയ്യുന്ന ഡോക്ടര്മാര്ക്ക് എല്ലാറ്റിലും വലുത്.കോഴിക്കോട് ജില്ലയില് പേരാമ്പ്രക്കടുത്ത് ചില സ്ഥലങ്ങളില് നിപ്പ വൈറസ് ബാധയുണ്ടായ സാഹചര്യത്തില് രോഗം നിയന്ത്രിക്കുന്നതിന് സര്ക്കാരിനെ സഹായിക്കാന് സ്വയം സന്നദ്ധരായി ധാരാളംപേര് രംഗത്തു വന്നിട്ടുണ്ട്. അവരില് ഡോക്ടര്മാരും ആരോഗ്യപ്രവര്ത്തകരുമുണ്ട്. ഡോ. കഫീല് ഖാനെപ്പോലെയുള്ളവര്ക്ക് കേരളത്തില് പ്രവര്ത്തിക്കാന് അവസരം നല്കുന്നതില് സര്ക്കാരിന് സന്തോഷമേയുള്ളൂവെന്നും മുഖ്യമന്ത്രി വിശദമാക്കുന്നു.
നിപ ബാധിത മേഖലകളില് സേവനം ചെയ്യാന് താല്പര്യമുള്ളവര് ഡോക്ടര്മാരും വിദഗ്ധരും ആരോഗ്യവകുപ്പ് ഡയറക്ടറുമായോ കോഴിക്കോട് മെഡിക്കല് കോളേജ് ആശുപത്രി സൂപ്രണ്ടുമായോ ബന്ധപ്പെടണമെന്ന് മുഖ്യമന്ത്രി നിര്ദ്ദേശിച്ചു.കേരളത്തിന് പുറത്തു ജോലിചെയ്യുന്ന മലയാളികളായ ചില പ്രഗത്ഭ ഡോക്ടര്മാര് ഇതിനകം തന്നെ കോഴിക്കോട്ടെത്തിയിട്ടുണ്ട്. അവരോടെല്ലാം കേരള സമൂഹത്തിന് വേണ്ടി നന്ദി അറിയിക്കുന്നുവെന്നും മുഖ്യമന്ത്രി കൂട്ടിച്ചേര്ത്തു.
