തെരഞ്ഞെടുപ്പിനൊരുങ്ങാന്‍ കോണ്‍ഗ്രസ് പ്ലീനറി സമ്മേളനം ഇന്ന്
രാഹുൽ അധ്യക്ഷപദം ഏറ്റെടുത്തതിന് ശേഷമുളള ആദ്യ പ്ലീനറി സമ്മേളനമാണിത്.
ദില്ലി: ലോക്സഭ തെരഞ്ഞെടുപ്പ് ഒരുക്കങ്ങൾ ചര്‍ച്ച ചെയ്യാൻ കോണ്‍ഗ്രസിന്‍റെ പ്ലീനറി സമ്മേളനം ഇന്ന് ദില്ലിയിൽ തുടങ്ങും . രാവിലെ കോൺഗ്രസ് അധ്യക്ഷൻ രാഹുൽ ഗാന്ധി പതാക ഉയർത്തും. തുടർന്ന് കോൺഗ്രസിന്റെ മാർഗ്ഗ രേഖ സമ്മേളനത്തിൽ അവതരിപ്പിക്കും. രാഹുൽ അധ്യക്ഷപദം ഏറ്റെടുത്തതിന് ശേഷമുളള ആദ്യ പ്ലീനറി സമ്മേളനമാണിത്. രാഷ്ട്രീയ-സാമ്പത്തിക വിഷയങ്ങളടക്കമുള്ള നാല് പ്രമേയങ്ങൾ സമ്മേളനം പാസാക്കും. കർണാടക, രാജസ്ഥാൻ, മധ്യപ്രദേശ് നിയമസഭ തെരഞ്ഞെടുപ്പുകളെ എങ്ങനെ നേരിടണമെന്നതുൾപ്പടെയുള്ള കാര്യങ്ങളും സമ്മേളനം ചർച്ച ചെയ്യും.
Last Updated Jun 8, 2018, 5:51 PM IST
