Asianet News MalayalamAsianet News Malayalam

ദസറ ആഘോഷം; ദൈവ പ്രീതിക്കായി ബലി കൊടുത്തത് ആയിരക്കണക്കിന് മൃ​ഗങ്ങളെ

കാകിനടയിലെ ഉയർന്ന വിദ്യാഭ്യാസ സ്ഥാപനമായ ജവഹർലാൽ നെഹ്റു ടെക്നോളജിക്കൽ സർവകലാശാല (ജെഎൻടിയുകെ) മൃ​ഗബലി നടത്തിയിട്ടുണ്ട്. ബലി കൊടുക്കേണ്ട മൃ​ഗങ്ങളെ നിർത്തിയിട്ട കോളേജ് വാ​ഹനത്തിന് ചുറ്റും പ്രദക്ഷിണം വെയ്പ്പിക്കുകയും ശേഷം അറക്കുന്നതിനായി കൊണ്ടുപോകുകയും ചെയ്തു. 

Dasara festival  Thousands of animals slaughtered
Author
Andhra Pradesh, First Published Oct 21, 2018, 11:41 AM IST

കാകിനട: ദസറ ആ​ഘോഷത്തിൽ ദൈവ പ്രീതിക്കായി ബലി കൊടുത്തത് ആയിരക്കണക്കിന് മൃ​ഗങ്ങളെ. ആന്ധ്രാ പ്രദേശിലെ ​ഗോദാവരി ജില്ലയിൽ മാത്രം വ്യാഴം, വെള്ളി ദിവസങ്ങളിലായി ആയിരക്കണക്കിന് ആടുകളേയും ചെമ്മരിയാടുകളേയും ബലി കൊടുത്തിട്ടുണ്ട്.

കാകിനടയിലെ ഉയർന്ന വിദ്യാഭ്യാസ സ്ഥാപനമായ ജവഹർലാൽ നെഹ്റു ടെക്നോളജിക്കൽ സർവകലാശാല (ജെഎൻടിയുകെ) മൃ​ഗബലി നടത്തിയിട്ടുണ്ട്. ബലി കൊടുക്കേണ്ട മൃ​ഗങ്ങളെ നിർത്തിയിട്ട കോളേജ് വാ​ഹനത്തിന് ചുറ്റും പ്രദക്ഷിണം വെയ്പ്പിക്കുകയും ശേഷം അറക്കുന്നതിനായി കൊണ്ടുപോകുകയും ചെയ്തു. സർവകലാശാല വൈസ് ചാൻസലർ ഇൻ-ചാർജർ എസ്. രാമകൃഷ്ണ റാവുവിന്റെ സാന്നിധ്യത്തിൽ സർവകലാശാല ജീവനക്കാരനാണ് മൃ​ഗബലി നടത്തിയത്.

സംഭവത്തിൽ പ്രതിഷേധം ശക്തമാണ്. ഒരു വിദ്യാഭ്യാസ സ്ഥാപനം ഇത്തരത്തിൽ മ‍ൃ​ഗബലി നടത്തിയതിൽ പ്രതിഷേധിച്ച് മ‍ൃ​ഗബലി നടത്തുന്നതിനെതിരെ പ്രവർത്തിക്കുന്നവർ രം​ഗത്തെത്തി. എന്നാൽ കോളേജിൽ ഇത് ആദ്യത്തെ സംഭവമല്ലെന്നും കോളേജ് ആരംഭിച്ചത് മുതൽ ദസറ ഉത്സവത്തോട് അനുബന്ധിച്ച് മൃ​ഗബലി നടത്താറുണ്ടെന്നും അധികൃതർ‌ പറഞ്ഞു.

അതേസമയം ജില്ലയിലെ വിവിധയിടങ്ങളിലെ വ്യാപാര സ്ഥാപനങ്ങളും മൃ​ഗബലി നടത്തിയിട്ടുണ്ട്. റോഡിന് ഇരുവശത്തുമായി ആരാധനമൂർത്തിയെ പ്രതിഷ്ഠിക്കുകയും അതിന് മുന്നിൽവച്ച് ബലി നടത്തുകയും ചെയ്യും. ആ​ഘോഷങ്ങൾ കഴിഞ്ഞാൽ റോഡ് മുഴുവനും രക്തകളമായി മാറിയിട്ടുണ്ടാകും. 

ദസറ ദിവസം ഹിന്ദു ദൈവമായ ദുർദേവിയെ പ്രീതിപ്പെടുത്തുന്നതിനായാണ് മൃ​ഗബലി നടത്തുന്നത്. വ്യാപാര-വിദ്യാഭ്യാസ സ്ഥാപനങ്ങൾ, വ്യക്തികൾ എന്നിവരാണ് ദസറ ഉത്സവകാലത്ത് ദേവ പ്രീതിക്കായി മൃഗബലി നടത്തുക. ഐശ്വര്യം, ധനം,  സമാ​ധനം, ഉയർന്ന ജോലി, അഭിവൃദ്ധി എന്നിവ ലഭിക്കുന്നതിനുവേണ്ടിയാണ് മൃ​ഗബലി നടത്തുന്നതെന്നാണ് വിശാസം.   
 

Follow Us:
Download App:
  • android
  • ios