ദില്ലിയിൽ യുവതിയുടെ മൃതദേഹം സ്യൂട്ട്കേസിലാക്കി ഉപേക്ഷിച്ച നിലയിൽ
ചൊവ്വാഴ്ചയാണ് മൃതദേഹം കണ്ടെത്തിയത്. സ്ത്രീശരീരത്തിന്റെ മുഖം മൂർച്ചയേറിയ ആയുധം കൊണ്ട് വികൃതമാക്കിയിട്ടുണ്ടെന്ന് പൊലീസ് വ്യക്തമാക്കുന്നു.
ദില്ലി: കിഴക്കൻ ദില്ലിയിലെ ന്യൂ അശോക് നഗറിൽ ഇരുപത്തഞ്ച് വയസ്സ് പ്രായം തോന്നിക്കുന്ന യുവതിയുടെ മൃതദേഹം സ്യൂട്ട്കേസിലാക്കി ഉപേക്ഷിച്ച നിലയിൽ കണ്ടെത്തി. ചൊവ്വാഴ്ചയാണ് മൃതദേഹം കണ്ടെത്തിയത്. സ്ത്രീശരീരത്തിന്റെ മുഖം മൂർച്ചയേറിയ ആയുധം കൊണ്ട് വികൃതമാക്കിയിട്ടുണ്ടെന്ന് പൊലീസ് വ്യക്തമാക്കുന്നു.
വലതു കൈത്തണ്ടയിൽ മോഹിത് എന്ന് ഹിന്ദിയിൽ ടാറ്റൂ ചെയ്തിട്ടുണ്ടെന്ന് മൃതദേഹം പരിശോധിച്ച ഡെപ്യൂട്ടി കമ്മീഷണർ ഓഫ് പൊലീസ് പങ്കജ് സിംഗ് പറഞ്ഞു. ന്യൂ അശോക് നഗർ പൊലീസ് സംഭവത്തിൽ കേസ് രജിസ്റ്റർ ചെയ്തിട്ടുണ്ട്. ഇന്നലെ രാത്രിയാണ് സ്യൂട്ട്കേസ് കണ്ടെത്തിയത്. മൃതദേഹത്തെക്കുറിച്ച് കൂടുതൽ വിവരങ്ങളൊന്നും ലഭിച്ചിട്ടില്ലെന്ന് പൊലീസ് വ്യക്തമാക്കി.