Asianet News MalayalamAsianet News Malayalam

ആധാര്‍ പരസ്യപ്പെടുത്തരുതെന്ന് നിര്‍ദ്ദേശം

ആധാര്‍ നമ്പര്‍ പരസ്യപ്പെടുത്തരുതെന്ന് പൊതുജനങ്ങള്‍ക്ക് യുഐഡിഎഐയുടെ മുന്നറിയിപ്പ്. ട്രായ് ചെയര്‍മാന്‍ ആധാര്‍ നമ്പര്‍ പുറത്തുവിട്ടത് അനുകരിച്ച് നിരവധി പേര്‍ ആധാര്‍ നമ്പര്‍ സോഷ്യല്‍ മീഡിയയില്‍ പങ്കുവച്ചിരുന്നു. 

Dont Share ID Aadhaar Body Advises After Telecom Regulators Challenge
Author
Delhi, First Published Jul 31, 2018, 11:12 PM IST

ദില്ലി: ആധാര്‍ നമ്പര്‍ പരസ്യപ്പെടുത്തരുതെന്ന് പൊതുജനങ്ങള്‍ക്ക് യുഐഡിഎഐയുടെ മുന്നറിയിപ്പ്. 12 അക്ക ആധാര്‍ നമ്പര്‍ സമൂഹ മാധ്യമങ്ങളിലോ ഇന്റര്‍നെറ്റിലോ പരസ്യപ്പെടുത്തരുതെന്നാണ് നിര്‍ദ്ദേശം.

ട്രായ് ചെയര്‍മാന്‍ ആര്‍.എസ് ശര്‍മ ആധാര്‍ നമ്പര്‍ പുറത്തുവിട്ടത് അനുകരിച്ച് നിരവധി പേര്‍ ആധാര്‍ നമ്പര്‍ സോഷ്യല്‍ മീഡിയയില്‍ പങ്കുവച്ചിരുന്നു. ഈ സാഹചര്യത്തിലാണ് യുഐഡിഎഐ മുന്നറിയിപ്പ് നല്‍കിയത്. ആധാര്‍ നമ്പര്‍ പുറത്തുവിടുന്നതും പുറത്തുവിടാന്‍ പ്രേരിപ്പിക്കുന്നതും കുറ്റകരമാണെന്ന് യുഐഡിഎഐ അറിയിച്ചു. 

ആധാറിന്റെ സുരക്ഷിതത്വം തെളിയിക്കാന്‍ ആധാര്‍ നമ്പര്‍ പരസ്യപ്പെടുത്തി നേരത്തെ ട്രായ് ചെയര്‍മാന്‍ വെല്ലുവിളി ഉയര്‍ത്തിയിരുന്നു. ഇതേത്തുടര്‍ന്ന് ബാങ്ക് അക്കൗണ്ട് നമ്പറും ഇ മെയില്‍ വിലാസവും അടക്കമുള്ള വിവരങ്ങള്‍ കണ്ടെത്തിയെന്ന് ഹാക്കര്‍മാര്‍ അവകാശപ്പെട്ടിരുന്നു. ശര്‍മ ഈ അവകാശവാദം തള്ളുകയും ചെയ്തിരുന്നു. ഇതിനുപിന്നാലെയാണ് മുന്നറിയിപ്പുമായി യു.ഐ.ഡി.എ.ഐ രംഗത്തെത്തിയിട്ടുള്ളത്. 

Follow Us:
Download App:
  • android
  • ios