എറണാകുളത്ത് തമിഴ്നാട് സ്വദേശി കുത്തേറ്റ് മരിച്ച സംഭവത്തിൽ ഒരാൾ കസ്റ്റഡിയിൽ
കൊച്ചി: എറണാകുളം കച്ചേരിപ്പടിയിൽ തമിഴ്നാട് സ്വദേശി കുത്തേറ്റ് മരിച്ച സംഭവത്തിൽ ഒരാൾ കസ്റ്റഡിയിൽ. ആലുവ കാഞ്ഞിരമറ്റം സ്വദേശി ബാബുവാണ് പിടിയിലായത്. മുപ്പതോളം ക്രിമിനൽ കേസുകളിൽ പ്രതിയാണ് ഇയാൾ. മദ്യപാനത്തിനിടെയുണ്ടായ വാക്കുതർക്കത്തെ തുടർന്ന് കഴിഞ്ഞ വ്യാഴാഴ്ചയാണ് തമിഴ്നാട് സ്വദേശി മണികണ്ഠൻ കുത്തേറ്റ് മരിച്ചത്. ഇരുവരും തമ്മിൽ മുൻ വൈരാഗ്യം നിലനിന്നിരുന്നതായും സംശയമുണ്ട്. സംഘർഷത്തിനിടെ ഇവർക്കൊപ്പമുണ്ടായിരുന്ന മറ്റുള്ളവർക്കായും പൊലീസ് തെരച്ചിൽ തുടരുകയാണ്.