അച്ഛനും മകനും ഷോക്കേറ്റ് മരിച്ചു

മോഹനൻ (55), മകൻ ശ്രേയസ്സ് (12) എന്നിവരാണ് മരിച്ചത്. അച്ഛനെ രക്ഷിക്കാനുള്ള ശ്രമത്തിനിടെ മകനും ഷോക്കടിക്കുകയായിരുന്നു

പാലക്കാട്: വടക്കഞ്ചേരിയിൽ അച്ഛനും മകനും ഷോക്കേറ്റ് മരിച്ചു.കിഴക്കഞ്ചേരി പൂണിപ്പാടം തുപ്പലത്ത് വീട്ടിൽ മോഹനൻ (55), മകൻ ശ്രേയസ്സ് (12) എന്നിവരാണ് മരിച്ചത്.

വീട്ടിലെ കംപ്രസ്സർ മോട്ടോറിൽ നിന്നാണ് രണ്ട് പേർക്കും ഷോക്കറ്റത്. മോഹനന് ഷോക്കേറ്റപ്പോൾ രക്ഷിക്കാൻ ശ്രമിക്കുന്നതിനിടെയാണ് ശ്രേയസ്സിനും പരിക്കേറ്റത്.