2018 ല്‍ യാത്ര തുടങ്ങിയ അവര്‍ എത്തിച്ചേര്‍ന്നത് 2017ല്‍
ഹവാന: കഴിഞ്ഞ് പോയ വര്‍ഷത്തേക്ക് സഞ്ചരിക്കാന്‍ പറ്റുമോ, ടൈം ട്രാവല്‍ എന്നത് ഒരു ഐതിഹ്യം മാത്രമാണ് എന്ന് പറയാന്‍ വരട്ടെ. ഈ പുതുവത്സരത്തില്‍ 2018 ല്‍ നിന്ന് വിമാനം കയറി 2017 ല്‍ എത്തിയ ചിലരെ പരിചയപ്പെടാം. ഹവായിയന്‍ ഏയര്‍ലൈന്‍സിന്‍റെ എച്ച്എഎല്‍ 446 എന്ന വിമാനവും അതിലെ യാത്രക്കാരുമാണ് ഈ ടൈം ട്രാവല്‍ നടത്തിയത്. ന്യൂസിലാന്‍റിലെ ഓക്ക്ലാന്‍റില്‍ നിന്നും ഈ വിമാനം പുറപ്പെടേണ്ടിയിരുന്നത് ഡിസംബര്‍ 31 രാത്രി 11.55നായിരുന്നു. എന്നാല്‍ 10 മിനുട്ട് താമസിച്ച് 2018 ജനുവരി 1 , പുലര്‍ച്ചെ 12.10നാണ് വിമാനം പുറപ്പെട്ടത്.
Because of an unexpected delay, Hawaiian Airlines flight 446 took off in 2018 and will land in 2017. #timetravel pic.twitter.com/A5vesXmjqq
— Sam Sweeney (@SweeneyABC) December 31, 2017
ഈ വിമാനം പറന്നത് ഓക്ക്ലാന്‍റില്‍ നിന്ന് 23 മണിക്കൂര്‍ പിന്നിലുള്ള ഹോണോലൂവിലേക്കാണ്. അവിടെ വിമാനം എത്തുമ്പോള്‍ സമയം രാവിലെ ഡിസംബര്‍ 31,2017 10.16 എഎം. ഈ സംഭവം ട്വിറ്ററില്‍ അടക്കം വലിയ പ്രതികരണമാണ് സൃഷ്ടിച്ചത്.
